‘गुंतवणूकदारांचे हितरक्षण कसे करणार?’, अदानी प्रकरणी सर्वोच्च न्यायालयाचा केंद्र, सेबीला सवाल

अदानी समूहावर विविध आरोप करणाऱ्या हिंडेनबर्ग रिसर्चच्या अहवालाची चौकशी आणि तपास करण्यासाठी, सर्वोच्च न्यायालयाच्या न्यायाधीशांच्या देखरेखीखाली एक समिती स्थापन करण्यासाठी केंद्राला निर्देश द्यावेत,  अशी मागणी करणारी एक याचिका वकील विशाल तिवारी यांनी दाखल केली आहे. तर वकील एम एल शर्मा यांनी एक याचिका दाखल करून हिंडेनबर्ग रिसर्चच्या नाथन अँडरसनवर खटला दाखल करावा अशी मागणी केली आहे. या दोन्ही याचिकांमध्ये सामान्य गुंतवणूकदारांच्या सुरक्षिततेचा मुद्दा उपस्थित करण्यात आला आहे. सरन्यायाधीश धनंजय चंद्रचूड, न्या. पी. एस. नरसिंह आणि न्या. जे. पी. पारडीवाला यांच्या पीठासमोर या याचिकांवर एकत्र सुनावणी झाली.