ह्युंदाईच्या समभागाकडून गुंतवणूकदारांच्या पदरी निराशा; पदार्पणालाच ७ टक्के घसरणीने तोटा

देशातील आजवरची सर्वात मोठी प्रारंभिक समभाग विक्री योजणाऱ्या ह्युंदाई मोटर इंडियाच्या ‘आयपीओ’कडे छोट्या गुतंवणूकदारांनी पाठ फिरवली होती.

दक्षिण कोरियाच्या ह्युंदाईच्या भारतातील या उपकंपनीच्या समभागांच्या सूचिबद्धतेकडे सर्वाचे लक्ष लागले होते. प्रातिनिधिक फोटो: लोकसत्ता टीम

मुंबई: भारतीय भांडवल बाजाराच्या इतिहासातील सर्वात मोठ्या समभाग विक्रीच्या जेमतेम सफलतेनंतर, मंगळवारी ‘ह्युंदाई मोटर इंडिया’च्या समभागांच्या विधिवत सूचिबद्धता ही गुंतवणूकदारांसाठी अपेक्षेनुरूप निराशादायी ठरली. पहिल्या दिवशी समभाग ७ टक्क्यांहून अधिक घसरणीसह बंद झाला.

प्रवासी वाहनांच्या क्षेत्रातील दक्षिण कोरियाच्या ह्युंदाईच्या भारतातील या उपकंपनीच्या समभागांच्या सूचिबद्धतेकडे सर्वाचे लक्ष लागले होते. कंपनीने गेल्या आठवड्यात भांडवली बाजारातून २७,८७० कोटी रुपयांची विक्रमी निधी उभारणी केली होती.

आणखी वाचा

Investors turn their backs on Hyundai Motor India IPO which is selling shares print eco news

‘ह्युंदाई’च्या समभागांकडे छोट्या गुंतवणूकदारांची पाठ; ‘आयपीओ’त निम्माच भरणा पूर्ण

२२ ऑक्टोबर पंचांग: जन्मराशीनुसार आज कर्तुत्वाला मिळेल चांगला…

Sensex falls by 494 degrees due to withdrawal of foreign investors

परदेशी गुंतवणूकदारांच्या माघारीने ‘सेन्सेक्स’ची ४९४ अंशांची गाळण

Sensex Nifty decline on sales in Reliance print eco news

रिलायन्समधील विक्रीची सेन्सेक्स, निफ्टीला झळ

Builders have an upbeat picture of rising home sales in the near future

पुण्या-मुंबईत घरांच्या खरेदीसाठी अच्छे दिन? बांधकाम क्षेत्र काय म्हणतंय जाणून घ्या…

फॉरेक्स मार्केट ट्रेडींगच्या नावाखाली शेकडो गुंतवणूकदारांची फसवणूक, गुन्हे शाखेची कॉल सेंटरवर कारवाई, १४ जणांना अटक

ओला इलेक्ट्रिक शंभरखाली, तर पेटीएमच्या समभागांची सर्वोत्तम झेप

explosion that caused injuries and destroyed vehicles at outside the Karachi airport, Pakistan,

Blast in Pakistan : हल्ला की अपघात? पाकिस्तानच्या कराचीतील स्फोटात चिनी कामगारांचा मृत्यू; चीनच्या निवेदनात रोख कोणावर?

प्रारंभिक भागविक्रीतून प्रत्येकी १,९६० रुपये किमतीला हा समभाग गुंतवणूकदारांनी मिळविला होता. मात्र मोठ्या फायद्यासह सूचिबद्धतेऐवजी समभागाने १.३२ टक्के घसरणीसह सुरुवात करीत निराशा केली. दिवसभरातील व्यवहारात या समभागाने १,८०७ रुपयांचा किमतीतील तळ गाठला. दिवस सरताना प्रति समभाग १४०.४० रुपयांच्या म्हणजेच ७.१९ टक्क्यांच्या घसरणीसह १,८१९.६० रुपये पातळीवर तो स्थिरावला. कंपनीच्या समभागाच्या मंगळवार बंद भावानुसार तिचे बाजार भांडवल राष्ट्रीय शेअर बाजारात १,४७,८४९ कोटी रुपयांवर आहे.

हेही वाचा >>> सेन्सेक्स ९३० अंशांच्या गटांगळीसह दोन महिन्यांच्या नीचांकी

देशातील आजवरची सर्वात मोठी प्रारंभिक समभाग विक्री योजणाऱ्या ह्युंदाई मोटर इंडियाच्या ‘आयपीओ’कडे छोट्या गुतंवणूकदारांनी पाठ फिरवली होती. भागविक्रीत वैयक्तिक किरकोळ गुंतवणूकदारांसाठी राखीव हिश्शात जेमतेम ५० टक्केच मागणी नोंदवणारे अर्ज येऊ शकले होते. ‘आयपीओ’च्या अखेरच्या दिवशी ह्युंदाई मोटर इंडियाच्या समभागांसाठी एकंदर दुप्पट भरणा झाला. मात्र पात्र संस्थात्मक गुंतवणूकदारांचा प्रतिसाद सोडता वैयक्तिक किरकोळ गुंतवणूकदार आणि गैर-संस्थात्मक गुंतवणूकदारांचा भरणा पूर्ण होऊ शकला नाही. आयपीओसाठी कंपनीने प्रति समभाग १,८६५ ते १९६० रुपये किंमतपट्टा निश्चित केला होता.

देशांतर्गत भांडवली बाजारात याआधी भारतीय आयुर्विमा महामंडळ अर्थात एलआयसीने आयपीओच्या माध्यमातून २१,००० कोटी रुपये तर डिजिटल देयक व्यासपीठ ‘पेटीएम’ची प्रवर्तक ‘वन ९७ कम्युनिकेशन्स’ने भांडवली बाजारातून १८,३०० कोटी रुपयांची मोठी निधी उभारणी आजवर ह्युंदाई पाठोपाठ केलेली आहे.

Web Title: Hyundai motor india ipo drops 7 percent in market debut print eco news zws