रेमंड कुटुंबातील वैयक्तिक कलह आता रस्त्यावरील चर्चेचा विषय बनला आहे. कंपनीचे अध्यक्ष आणि एमडी गौतम सिंघानिया लग्नाच्या ३२ वर्षांनंतर त्यांची पत्नी नवाज मोदी सिंघानियांपासून घटस्फोट घेणार आहेत. याआधी गौतम सिंघानिया यांचे वडील विजयपत सिंघानिया यांच्याबरोबरचे भांडणही चांगलेच गाजले होते. आता विजयपत सिंघानिया यांनीही आपल्या सुनेला पाठिंबा देणार असल्याचं म्हटलं आहे. विजयपत सिंघानिया यांनी अनेक वेळा उघडपणे सांगितले आहे की, सर्व संपत्ती आपल्या मुलाला देऊन आपण चूक केली. त्यांच्या मुलाने त्यांना घरातून हाकलून दिले. त्यांना भाड्याच्या घरात राहावे लागत आहे. आता त्यांनी पत्नी नवाज मोदी सिंघानियाबरोबरही असेच वर्तन केले आहे.
“माझा मुलगा कोणत्या प्रकारची व्यक्ती आहे हे मला माहीत नाही?”
बिझनेस टुडेला दिलेल्या मुलाखतीत विजयपत सिंघानिया म्हणाले की, त्यांच्या मुलाने त्यांच्याकडून सर्व काही हिसकावून घेतले. त्यांच्याकडे फक्त काही पैसे शिल्लक आहेत, ज्यावर ते आपले जीवन जगत आहेत. “माझ्या मुलाने मला कंपनीचा काही भाग देण्याचे सांगितले होते. मात्र त्यानंतर तो पलटला. मी त्याला माझे सर्वस्व दिले. माझ्यासाठी काहीच शिल्लक ठेवले नाही, फक्त थोडे पैसे दिले. त्यामुळेच जीवन सुरू आहे. मी भाड्याच्या घरात राहतो, नाहीतर रस्त्यावर आलो असतो. आता त्याने आपल्या पत्नीला अशा प्रकारे हाकलून दिले आहे. तो कोणत्या प्रकारचा माणूस आहे हे मला माहीत नाही…’
हेही वाचाः भारताच्या नेतृत्वात १४ देश चीनविरोधात एकवटले, ड्रॅगनसमोर आता मोठे आव्हान; काय आहे IPEF?
“पालकांनी आपल्या मुलांना सर्व काही देऊ नये”
विजयपत सिंघानिया इथेच थांबले नाहीत. ते म्हणाले की, पालकांनी त्यांच्या हयातीत मालकीचे सर्व काही मुलांच्या हाती सोपवू नये. त्यांच्या मृत्यूनंतर स्वप्नातील संपत्ती त्यांच्या मुलांना देऊन त्यांनी चूक केली आहे. आई-वडिलांच्या मृत्यूनंतर सर्व काही मुलांचेच असावे लागते.
“मी माझ्या सुनेला आधार देईन”
आपली सून नवाज मोदी सिंघानियाबद्दल विजयपत सिंघानिया म्हणाले की, जर त्यांची सून त्यांच्याकडे सल्ल्यासाठी आली तर ते तिला पाठिंबा देतील. जर तिला ही लढाई स्वतः लढायची असेल तर ते हस्तक्षेप करणार नाही. गौतम सिंघानिया त्यांच्या संपत्तीतील ७५ टक्के कधीही त्यांच्या सुनेला देणार नाहीत.
