परकीय चलन गंगाजळीत तिसरी साप्ताहिक वाढ, ७.६ अब्ज डॉलरने वाढून ६३८.२६ अब्ज डॉलरवर

शुक्रवारी अमेरिकी चलन डॉलरमधील घसरणीमुळे रुपयाचे मूल्य सुधारले आणि डॉलरच्या तुलनेत ते १२ पैशांनी वाढून ८६.८१ वर स्थिरावले. तथापि, खनिज तेलाच्या वाढत्या किमती आणि परदेशी संस्थात्मक गुंतवणूकदारांकडून सतत सुरू असलेली भांडवली बाजारातील विक्री यामुळे रुपयाच्या मजुबतीला मर्यादा पडल्याचे व्यापाऱ्यांनी सांगितले. रुपयातील अस्थिरता कमी करण्यास मदत करण्यासाठी रिझर्व्ह बँकेच्या चलन बाजारातील हस्तक्षेपामुळे अलिकडे तिच्या डॉलर गंगाजळीत घसरण दिसून येत होती. गेल्या वर्षी सप्टेंबर २०२४ अखेर परकीय गंगाजळी ७०४.८८ अब्ज डॉलरच्या ऐतिहासिक उच्चांकावर पोहोचली होती.