पाच लाख कोटी डॉलरच्या अर्थव्यवस्थेचे लक्ष्य गाठायचे तर देशाला अधिक प्रशिक्षित खलाशांची गरज

मुंबईः तब्बल साडेसात हजारांहून अधिक किलोमीटर लांबीची विस्तृत किनारपट्टी लाभलेल्या भारताचे सागरी व्यापार आणि नौकानयन क्षेत्र लक्षणीय प्रगती करीत असून, पाच लाख कोटी डॉलरच्या अर्थव्यवस्थेचे लक्ष्य गाठण्यात या क्षेत्राचे मोठे योगदान असेल, मात्र त्यासाठी देशात आजच्या तुलनेत अधिक प्रशिक्षित खलाशांची गरज असल्याचे प्रतिपादन शिपिंग कॉर्पोरेशन ऑफ इंडियाचे माजी अध्यक्ष व व्यवस्थापकीय संचालक सब्यसाची हाजरा यांनी बुधवारी येथे केले. सागरी पायाभूत सुविधांना वाहिलेल्या ‘इनमेक्स एसएमएम इंडिया’ या प्रदर्शन व परिषदेच्या १३ व्या आवृत्तीचे बुधवारी गोरेगाव येथील मुंबई प्रदर्शन संकुलात उद्घाटन झाले.

आणखी वाचा

कोचीन शिपयार्डच्या ५ टक्के हिश्शाची ‘ओएफएस’च्या माध्यमातून निर्गुंतवणूक; ८ टक्के सवलतीसह प्रत्येकी १,५४० रुपयांनी समभाग विक्री

१७ ऑक्टोबर पंचांग: धनसंपत्ती की प्रचंड यश, गुरुवारी…

ज्ञानराधा मल्टिस्टेट सोसायटीच्या कार्यालयांवर ईडीचे छापे; मालमत्ता, रोख मिळून १ हजार कोटी गोठवले

“देश अस्थिर करण्याचा प्रयत्न”, सरसंघचालक डॉ. मोहन भागवत यांचे वक्तव्य

टाटा न्यासाचे उत्तराधिकारी म्हणून नोएल टाटांचे नाव चर्चेत

पाच वर्षांत १ कोटी ‘इंटर्नशिप’ प्रदान करण्याचे केंद्राचे उद्दिष्ट

‘सेबी’कडून ह्युंदाई आणि स्विगीच्या महाकाय आयपीओंना मंजुरी; दोन्ही कंपन्यांकडून ३५,००० कोटींची निधी उभारणी अपेक्षित

इन्फ्रास्ट्रक्चर फंड : स्वयंप्रकाशित तू तारा…

केंद्रीय बंदरे, जहाजबांधणी आणि जलमार्ग मंत्रालयाशी संलग्न नौकानयन महासंचालनालयाचे महासंचालक श्याम जगन्नाथन यांच्यासह नामवंत दिग्गजांच्या उपस्थितीने या कार्यक्रमाचे उद्घाटन झाले. ‘इनमेक्स एसएमएम इंडिया’च्या आयोजन मंडळाचे अध्यक्ष या नात्याने हाजरा म्हणाले, जगभरात प्रशिक्षित खलाशांचा सर्वाधिक पुरवठा करणारा फिलिपाइन्सनंतर दुसऱ्या क्रमांकाचा देश म्हणून भारताचे स्थान आहे. मात्र सध्या जागतिक सागरी क्षेत्रातील मनुष्यबळातील ९ टक्के असलेले योगदान हे २० टक्क्यांवर नेता येईल, इतक्या पायाभूत व प्रशिक्षण सुविधा देशात निश्चितच आहेत, अशी पुस्तीही हाजरा यांनी जोडली.

हेही वाचा… व्याजदर बदलण्याची शक्यता शून्यच! रिझर्व्ह बँकेच्या पतधोरण समितीची बैठक सुरू; शुक्रवारी निर्णय

इन्फॉर्मा मार्केट्स इन इंडियाद्वारे हॅम्बर्ग मेस्सेच्या सहयोगाने आयोजित या तीन दिवस चालणाऱ्या या उपक्रमात भारतासह, दक्षिण आशियातून २५० हून अधिक प्रदर्शक सहभागी झाले असून, त्यात ८० विदेशी प्रदर्शकांचा समावेश आहे. सागरी सुविधा विकास, तंत्रज्ञान व माहितीची देवाणघेवाण आणि नावीन्यता यावर चर्चासत्रेही त्यात रंगणार आहेत. प्रदर्शन व चर्चासत्रात ६,००० हून अधिक नावनोंदणी केलेल्या व्यापार प्रतिनिधींची उपस्थिती अपेक्षित आहे.