मार्चमध्ये दुसरे सर्वाधिक १.७८ लाख कोटींचे जीएसटी संकलन; आर्थिक वर्षात एकूण संकलन उद्दिष्टापेक्षा सरस २०.१८ लाख कोटींवर

हेही वाचा >>> निर्गुंतवणूक लक्ष्याची सरकारला पुन्हा हुलकावणी! सरकारी मालकीच्या कंपन्यांमधील हिस्सा विक्रीतून १६,५०७ कोटींचा लाभ

सरलेल्या आर्थिक वर्षात (एप्रिल २०२३ ते मार्च २०२४) एकूण जीएसटी संकलन २०.१८ लाख कोटी रुपये झाले आहे, जे आधीच्या आर्थिक वर्षातील जमा महसुलापेक्षा ११.७ टक्के जास्त आहे. मावळलेल्या आर्थिक वर्षात सरासरी मासिक सकल संकलन १.६८ लाख कोटी रुपये होते, जे आधीच्या आर्थिक वर्षातील १.५० लाख कोटी रुपयांच्या सरासरी मासिक संकलनापेक्षा जास्त होते.

हेही वाचा >>> पंतप्रधान मोदींच्या हस्ते ९० रुपयांचे नाणे लाँच, RBI ला ९० वर्षे पूर्ण झाल्याबद्दल गिफ्ट

मार्च २०२४ साठी सकल वस्तू आणि सेवा कर (जीएसटी) महसूल वार्षिक तुलनेत ११.५ टक्के वाढीसह १.७८ लाख कोटी रुपये झाले. उल्लेखनीय म्हणजे, हे आजवरचे दुसरे सर्वोच्च मासिक संकलन असून, देशांतर्गत जीएसटी संकलनात लक्षणीय १७.६ टक्के वाढ झाल्यामुळे हे शक्य झाले, असे अर्थ मंत्रालयाने प्रसिद्धीस दिलेल्या निवेदनात म्हटले आहे. परतावा (रिफंड) वजा जाता मार्च २०२४ साठी नक्त जीएसटी महसूल १.६५ लाख कोटी रुपये आहे, जो वर्षापूर्वीच्या याच महिन्याच्या तुलनेत १८.४ टक्क्यांनी जास्त आहे.