मुंबई : भारतीय प्रवासी विमान कंपन्यांचा निव्वळ तोटा चालू आर्थिक वर्षात कमी होऊन ३ ते ४ हजार कोटी रुपयांपर्यंत घटण्याचा अंदाज आहे. वाढलेली प्रवासी संख्या आणि तिकिटांच्या दरात झालेली वाढ याला कारणीभूत ठरेल, असे अनुमान ‘इक्रा’ या पतमानांकन संस्थेने सोमवारी वर्तविले.
‘इक्रा’च्या अहवालानुसार, देशांतर्गत हवाई प्रवासी वाहतूक फेब्रुवारी महिन्यात सुमारे १ कोटी २७ लाख होती. प्रॅट अँड व्हिटनी इंजिनच्या समस्येमुळे हवाई वाहतूक क्षेत्रासमोर पुरवठा साखळीचे आव्हान आहे. या इंजिनमधील समस्यांमुळे इंडिगोला ७० हून अधिक विमानांचे उड्डाण थांबवावे लागले आहे. भारतीय प्रवासी विमान कंपन्यांकडील एकूण विमानांपैकी २४ ते २६ टक्के विमानांचे उड्डाण याच अडचणीमुळे ३१ मार्चपर्यंत थांबलेले असेल. प्रॅट अँड व्हिटनी इंजिन जगभरातून परत मागविण्यात आली असली तर विमान उत्पादक कंपन्यांकडून या इंजिनांची चाचणी सुरू आहे. यासाठी सुमारे २५० ते ३०० दिवसांचा कालावधी लागेल.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
