भारतातील सर्वात मोठी एअरलाइन्स इंडिगो सोमवारी एअर इंडियाचा विक्रम मोडून नवा इतिहास रचण्याची शक्यता आहे. मिळालेल्या माहितीनुसार, इंडिगो ५०० विमानांच्या ऑर्डरला मंजुरी देऊ शकते. या ऑर्डरचे एकूण मूल्य ५०० अब्ज डॉलर्स म्हणजेच ४१ लाख कोटी रुपयांपेक्षा जास्त आहे, परंतु मूळ रक्कम यापेक्षा खूपच कमी असू शकते. याचे कारण म्हणजे कंपन्यांना अशा मोठ्या ऑर्डर्सवर भरघोस सूटही मिळते. इंडिगोने A320 निओ फॅमिली एअरक्राफ्टची ऑर्डर दिली आहे. A320neo कुटुंबात A320neo, A321neo आणि A321XLR विमानांचा समावेश आहे.

७०० हून अधिक विमानांचे लक्ष्य

मार्च महिन्यात एअर इंडियाकडून ४७० विमानांची ऑर्डर दिल्यानंतर इंडिगोची विमान वाहतूक इतिहासातील ही सर्वात मोठी ऑर्डर असेल. इंडिगोला २०३० पर्यंत एकाच A320 कुटुंबातील ४७७ विमानांची डिलिव्हरी बाकी आहे. या निर्णयामुळे पुढील दशकात एअरलाइन्सला नवीन विमानांचा अखंड पुरवठा होणार आहे. इंडिगोचा सध्या भारताच्या देशांतर्गत बाजारपेठेत ६० टक्क्यांहून अधिक हिस्सा आहे. इंडिगोने २०३० पर्यंत १०० विमाने निवृत्त करण्याच्या तयारीत आहे. अशातच एअरलाइन्सला डिलिव्हरी स्लॉट्सची खातरजमा करून घ्यायची आहे, जेणेकरून ताफ्यात असलेल्या विमानांची संख्या स्थिर राहील. येत्या दशकात कंपनीला ७०० पेक्षा जास्त विमानं ताफ्यात ठेवण्यासाठी नवीन विमानांची गरज आहे.

आणखी वाचा
bajaj housing finance ipo gets bids worth rs 3 25 lakh crore
बजाज हाऊसिंग फायनान्सच्या ‘आयपीओ’ला विक्रमी ३.२५ कोटींच्या बोली
how does suiceide pod work
इच्छामरणासाठी तयार करण्यात आलेले ‘सुसाईड पॉड’ काय आहेत? हे मशीन कसे कार्य करते? याची चर्चा का होत आहे?
iPhone 15 and 14 Price cut
Apple iPhone Price in India: iPhone १६ लाँच होताच iPhone 15 आणि iPhone 14 च्या किंमती घसरल्या, जाणून घ्या नवे दर
iaf Sukhoi fighter plane
नवी मुंबई: डिसेंबरमध्ये विमानतळावरून पहिले उड्डाण ‘सुखोई’चे, तीन दिवसांपासून धावपट्टीच्या विविध चाचण्या
Mig 29 crashes
Mig 29 Fighter Jet Crashes : राजस्थानमध्ये मिग २९ लढाऊ विमान कोसळले, अपघातापूर्वीच सूचना मिळाल्याने पायलटला वाचवण्यात यश!
houses sold mumbai, houses sold August mumbai,
मुंबई : ऑगस्टमध्ये ११ हजारांहून अधिक घरांची विक्री, मुद्रांक शुल्क दरात कपात होण्याच्या निर्णयाकडे लक्ष
Indigo flight, emergency landing, bomb threat, Nagpur airport, Jabalpur to Hyderabad Flight, bomb squad, passenger evacuation, security check, airport alert
विमानात बॉम्ब ठेवल्याची अफवा, नागपुरात इमर्जन्सी लॅण्डिंग
vistara to merge into air india on november 12
‘विस्तारा’चे एअर इंडियामध्ये १२ नोव्हेंबरला विलीनीकरण

कंपनीचे आंतरराष्ट्रीय नियोजन

एअरलाइन्स ३०० लांब पल्ल्याच्या A321 निओ आणि A321 एक्सएलआर विमानांची ऑर्डर देण्याची शक्यता आहे. ही लांब पल्ल्याची विमाने आठ तासांपर्यंत उड्डाणे करू शकतात आणि इंडिगोच्या युरोपमधील विस्तार योजनांसाठी ते महत्त्वाचे ठरतील. एअरलाइन्स सध्या ७५ आंतरराष्ट्रीय शहरांच्या जोड्यांसह २६ आंतरराष्ट्रीय विमानतळांवर उड्डाण करते. इंडिगोचे सीईओ पीटर अल्बर्स यांनी यापूर्वी सांगितले होते की, एअरलाइन्सने आपला आंतरराष्ट्रीय सीट वाटा आर्थिक वर्ष २०२३ मध्ये २३ टक्क्यांवरून पुढील दोन वर्षांत ३० टक्क्यांपर्यंत वाढवण्याची योजना आखली आहे.

हेही वाचाः २०३० पर्यंत सोलर बाजारातही रिलायन्सचा दबदबा वाढणार अन् ६० टक्के वाटा होणार, अंबानींनी बनवला जबरदस्त प्लॅन

कंपनीचे शेअर्स ३० टक्क्यांनी वाढले

गेल्या तीन महिन्यांत इंडिगो एअरलाइन्सच्या शेअरच्या किमतीत ३० टक्क्यांहून अधिक वाढ झाली आहे, त्यामुळे कंपनीचा शेअर २४२६ रुपये प्रति शेअर झाला आहे. या कालावधीत कंपनीचे बाजारमूल्य सुमारे ९४,००० कोटी रुपयांपर्यंत वाढले आहे. खरं तर GoFirst ग्राउंड झाल्यानंतर कंपनीचा स्टॉक वाढला आहे. GoFirst ग्राउंड झाल्यानंतर इंडिगो आणि इतर विमान कंपन्यांना खूप फायदा झाला. या काळात मागणी जास्त आणि कमी पुरवठा यामुळे त्यांनी वाढलेल्या किमतीचा फायदा घेतला.

हेही वाचाः निर्गुंतवणुकीकडे महसूल निर्मितीचे साधन म्हणून नव्हे तर…; पत सुधारणेसाठी मोदी सरकारच्या अधिकाऱ्यांचे मूडीजला साकडे