भारतातील सर्वात मोठी एअरलाइन्स इंडिगो सोमवारी एअर इंडियाचा विक्रम मोडून नवा इतिहास रचण्याची शक्यता आहे. मिळालेल्या माहितीनुसार, इंडिगो ५०० विमानांच्या ऑर्डरला मंजुरी देऊ शकते. या ऑर्डरचे एकूण मूल्य ५०० अब्ज डॉलर्स म्हणजेच ४१ लाख कोटी रुपयांपेक्षा जास्त आहे, परंतु मूळ रक्कम यापेक्षा खूपच कमी असू शकते. याचे कारण म्हणजे कंपन्यांना अशा मोठ्या ऑर्डर्सवर भरघोस सूटही मिळते. इंडिगोने A320 निओ फॅमिली एअरक्राफ्टची ऑर्डर दिली आहे. A320neo कुटुंबात A320neo, A321neo आणि A321XLR विमानांचा समावेश आहे.
७०० हून अधिक विमानांचे लक्ष्य
मार्च महिन्यात एअर इंडियाकडून ४७० विमानांची ऑर्डर दिल्यानंतर इंडिगोची विमान वाहतूक इतिहासातील ही सर्वात मोठी ऑर्डर असेल. इंडिगोला २०३० पर्यंत एकाच A320 कुटुंबातील ४७७ विमानांची डिलिव्हरी बाकी आहे. या निर्णयामुळे पुढील दशकात एअरलाइन्सला नवीन विमानांचा अखंड पुरवठा होणार आहे. इंडिगोचा सध्या भारताच्या देशांतर्गत बाजारपेठेत ६० टक्क्यांहून अधिक हिस्सा आहे. इंडिगोने २०३० पर्यंत १०० विमाने निवृत्त करण्याच्या तयारीत आहे. अशातच एअरलाइन्सला डिलिव्हरी स्लॉट्सची खातरजमा करून घ्यायची आहे, जेणेकरून ताफ्यात असलेल्या विमानांची संख्या स्थिर राहील. येत्या दशकात कंपनीला ७०० पेक्षा जास्त विमानं ताफ्यात ठेवण्यासाठी नवीन विमानांची गरज आहे.
कंपनीचे आंतरराष्ट्रीय नियोजन
एअरलाइन्स ३०० लांब पल्ल्याच्या A321 निओ आणि A321 एक्सएलआर विमानांची ऑर्डर देण्याची शक्यता आहे. ही लांब पल्ल्याची विमाने आठ तासांपर्यंत उड्डाणे करू शकतात आणि इंडिगोच्या युरोपमधील विस्तार योजनांसाठी ते महत्त्वाचे ठरतील. एअरलाइन्स सध्या ७५ आंतरराष्ट्रीय शहरांच्या जोड्यांसह २६ आंतरराष्ट्रीय विमानतळांवर उड्डाण करते. इंडिगोचे सीईओ पीटर अल्बर्स यांनी यापूर्वी सांगितले होते की, एअरलाइन्सने आपला आंतरराष्ट्रीय सीट वाटा आर्थिक वर्ष २०२३ मध्ये २३ टक्क्यांवरून पुढील दोन वर्षांत ३० टक्क्यांपर्यंत वाढवण्याची योजना आखली आहे.
कंपनीचे शेअर्स ३० टक्क्यांनी वाढले
गेल्या तीन महिन्यांत इंडिगो एअरलाइन्सच्या शेअरच्या किमतीत ३० टक्क्यांहून अधिक वाढ झाली आहे, त्यामुळे कंपनीचा शेअर २४२६ रुपये प्रति शेअर झाला आहे. या कालावधीत कंपनीचे बाजारमूल्य सुमारे ९४,००० कोटी रुपयांपर्यंत वाढले आहे. खरं तर GoFirst ग्राउंड झाल्यानंतर कंपनीचा स्टॉक वाढला आहे. GoFirst ग्राउंड झाल्यानंतर इंडिगो आणि इतर विमान कंपन्यांना खूप फायदा झाला. या काळात मागणी जास्त आणि कमी पुरवठा यामुळे त्यांनी वाढलेल्या किमतीचा फायदा घेतला.
७०० हून अधिक विमानांचे लक्ष्य
मार्च महिन्यात एअर इंडियाकडून ४७० विमानांची ऑर्डर दिल्यानंतर इंडिगोची विमान वाहतूक इतिहासातील ही सर्वात मोठी ऑर्डर असेल. इंडिगोला २०३० पर्यंत एकाच A320 कुटुंबातील ४७७ विमानांची डिलिव्हरी बाकी आहे. या निर्णयामुळे पुढील दशकात एअरलाइन्सला नवीन विमानांचा अखंड पुरवठा होणार आहे. इंडिगोचा सध्या भारताच्या देशांतर्गत बाजारपेठेत ६० टक्क्यांहून अधिक हिस्सा आहे. इंडिगोने २०३० पर्यंत १०० विमाने निवृत्त करण्याच्या तयारीत आहे. अशातच एअरलाइन्सला डिलिव्हरी स्लॉट्सची खातरजमा करून घ्यायची आहे, जेणेकरून ताफ्यात असलेल्या विमानांची संख्या स्थिर राहील. येत्या दशकात कंपनीला ७०० पेक्षा जास्त विमानं ताफ्यात ठेवण्यासाठी नवीन विमानांची गरज आहे.
कंपनीचे आंतरराष्ट्रीय नियोजन
एअरलाइन्स ३०० लांब पल्ल्याच्या A321 निओ आणि A321 एक्सएलआर विमानांची ऑर्डर देण्याची शक्यता आहे. ही लांब पल्ल्याची विमाने आठ तासांपर्यंत उड्डाणे करू शकतात आणि इंडिगोच्या युरोपमधील विस्तार योजनांसाठी ते महत्त्वाचे ठरतील. एअरलाइन्स सध्या ७५ आंतरराष्ट्रीय शहरांच्या जोड्यांसह २६ आंतरराष्ट्रीय विमानतळांवर उड्डाण करते. इंडिगोचे सीईओ पीटर अल्बर्स यांनी यापूर्वी सांगितले होते की, एअरलाइन्सने आपला आंतरराष्ट्रीय सीट वाटा आर्थिक वर्ष २०२३ मध्ये २३ टक्क्यांवरून पुढील दोन वर्षांत ३० टक्क्यांपर्यंत वाढवण्याची योजना आखली आहे.
कंपनीचे शेअर्स ३० टक्क्यांनी वाढले
गेल्या तीन महिन्यांत इंडिगो एअरलाइन्सच्या शेअरच्या किमतीत ३० टक्क्यांहून अधिक वाढ झाली आहे, त्यामुळे कंपनीचा शेअर २४२६ रुपये प्रति शेअर झाला आहे. या कालावधीत कंपनीचे बाजारमूल्य सुमारे ९४,००० कोटी रुपयांपर्यंत वाढले आहे. खरं तर GoFirst ग्राउंड झाल्यानंतर कंपनीचा स्टॉक वाढला आहे. GoFirst ग्राउंड झाल्यानंतर इंडिगो आणि इतर विमान कंपन्यांना खूप फायदा झाला. या काळात मागणी जास्त आणि कमी पुरवठा यामुळे त्यांनी वाढलेल्या किमतीचा फायदा घेतला.
