इन्फोसिसचा तिमाही नफा ७,९६९ कोटींवर; मार्चअखेर तिमाहीत ३० टक्क्यांची दमदार वाढ

कंपनीने जानेवारी ते मार्च २०२४ या चौथ्या तिमाहीत ३७,९२३ कोटी रुपयांचा महसूल मिळविला आहे. वार्षिक तुलनेत त्यात केवळ १.३ टक्क्यांची वाढ झाली आहे. गेल्या वर्षी याच तिमाहीत ३७,४४१ कोटींच्या महसुलाची कंपनीने नोंद केली होती.

आणखी वाचा

रिलायन्स इंडस्ट्रीजचा तिमाही नफा वाढून १८,५४० कोटींवर; शेअरच्या भाव वाढेल काय, विश्लेषकांचे अंदाज काय?  

…तर औषधाची गरजच नाही! वाचा निरोगी आयुष्य जगण्यासाठी…

अडीच कोटी वाहनांची वर्षभरात विक्री; ‘सियाम’ची आकडेवारी; २०२३ च्या तुलनेत १२ टक्क्यांची वाढ

वैयक्तिक प्राप्तिकरातील वाढ अर्थव्यवस्थेसाठी वरदान; प्रत्यक्ष कर संकलन १२ जानेवारीपर्यंत १६.९० लाख कोटींवर

घाऊक महागाई वाढली; अन्नधान्यांच्या किमतीमुळे नव्हे तर…; महागाई दर डिसेंबरमध्ये वाढून ….

देशाची कारखानदारी रूळावर येत असल्याची सुचिन्हे!  नोव्हेंबरमध्ये औद्योगिक उत्पादन सहा महिन्यांच्या उच्चांकी  ५.२ टक्क्यांवर

डिसेंबरमध्ये ‘इक्विटी फंडा’त ४१,१५६ कोटींचा ओघ; स्मॉल, मिडकॅप फंडातील गुंतवणुकीचे मोठे योगदान

पीठ कंपन्यांना जाणवतोय गव्हाचा तुटवडा; जाणून घ्या, अन्न महामंडळाची भूमिका किती महत्त्वाची

हेही वाचा >>> लवकरच जग्वार लँड रोव्हरचे भारतात उत्पादन; टाटा मोटर्सचे नियोजन; तमिळनाडूमध्ये उभारणार १ अब्ज डॉलरचा प्रकल्प

सरलेल्या २०२३-२४ या संपूर्ण आर्थिक वर्षांत इन्फोसिसने २६,२३३ कोटींचा निव्वळ नफा कमावला आहे. जो त्या आधीच्या वर्षांच्या तुलनेत ८.९ टक्क्यांनी अधिक राहिला आहे. त्याआधीच्या आर्थिक वर्षात म्हणजेच २०२२-२३ या कालावधीत कंपनीने वर्षभरात २४,०९५ कोटींचा नफा मिळविला होता. तर महसुलाच्या आघाडीवर ४.७ टक्क्यांची वाढ नोंदवत १,५३,६७० कोटी रुपयांची महसूल प्राप्ती केली आहे. आधीच्या आर्थिक वर्षांत कंपनीने १,४६,७६७ कोटी रुपयांचा महसूल मिळविला होता. कंपनीच्या संचालक मंडळाने भागधारकांना खूश करताना, पाच रुपये दर्शनी मूल्य असलेल्या प्रत्येक समभागासाठी २० रुपये अंतिम लाभांश आणि ८ रुपये विशेष लाभांश देण्याची शिफारस केली आहे. म्हणजेच एकत्रित २८ रुपयांचा लाभांश गुंतवणूकदारांच्या पदरी पडणार आहे. इन्फोसिसने जर्मनीमधील इन-टेक कंपनीचे सुमरे ४,००० कोटी रुपयांना अधिग्रहण करण्याचे जाहीर केले.

हेही वाचा >>> Gold-Silver Price on 18 April 2024: सोन्याच्या भावात फेरबदल, १० ग्रॅमचा दर आता…

इन्फोसिसने सरलेल्या आर्थिक वर्षात विविध परदेशी कंपन्यांशी १७.७ अब्ज डॉलर मूल्याचे एकूण करार केले होते, ज्यात ५२ टक्के नवीन करारांचा समावेश होता. शिवाय कंपनी कृत्रिम विदा अर्थात एआयमधील क्षमता विस्तारत असल्याने त्याचा फायदा कंपनीला झाला. सतत होणाऱ्या डिजिटल परिवर्तनामुळे प्रकल्प राबविण्याच्या त्यांच्या गरजेनुरूप ग्राहकांच्या कराराला प्राधान्य देण्यात येत आहे, परिणामी कंपनीने सरलेल्या तिमाहीत दमदार कामगिरी केली आहे, असे कंपनीचे मुख्य कार्यकारी अधिकारी आणि व्यवस्थापकीय संचालक सलील पारेख यांनी सांगितले.

कर्मचारी संख्येत घट

गेल्या २३ वर्षाच्या कालावधीत प्रथमच  इन्फोसिसच्या कर्मचाऱ्यांच्या संख्येत घट झाली. सरलेल्या आर्थिक वर्षात कर्मचारी संख्या २५,९९४ ने कमी होत ३,१७,२४० वर पोहोचली आहे. मागील वर्षाच्या तुलनेत कर्मचारी संख्येत ७.५ टक्क्यांची घसरण झाली आहे.