इन्फोसिसला ६,८०६ कोटींचा तिमाही नफा; ११ टक्क्यांची अपेक्षेपेक्षा सरस वाढ

हेही वाचा >>> रिलायन्स इंडस्ट्रीजचा तिमाही नफा वाढून १८,५४० कोटींवर; शेअरच्या भाव वाढेल काय, विश्लेषकांचे अंदाज काय?  

महसुली वाढ कशामुळे?

संपूर्ण आर्थिक वर्षासाठी इन्फोसिसने महसुलातील वाढ ही आधी अंदाजलेल्या ३.७५ टक्के ते ४.५ टक्के पातळीपेक्षा अधिक म्हणजे ४.५ टक्के ते ५ टक्के राहील, असे आता सूचित केले आहे. बँकिंग, वित्तीय सेवा आणि विमा (बीएफएसआय) या क्षेत्रातून कंपनीला एकतृतीयांश महसूल मिळत असतो. मुख्यत: अमेरिकेतील ग्राहकांकडून वाढलेल्या मागणीमुळे या विभागाच्या महसुलांत सरलेल्या तिमाहीत ६.१ टक्क्यांची वाढ झाली आहे. तिमाहीत कंपनीने कार्यादेशांमध्ये नव्याने ३० दशलक्ष अमेरिकी डॉलरची भर घातली आहे.

समभागांत मूल्यतेजी

तिमाही निकालांच्या घोषणेपूर्वी, गुरुवारी भांडवली बाजारातील सत्रअखेर इन्फोसिसचा समभाग १,९२० रुपयांवर स्थिरावला आणि भावात दीड टक्क्यांची वाढ त्याने साधली. अपेक्षेपेक्षा सरस तिमाही कामगिरीचे शुक्रवारी समभागाच्या भावात सकारात्मक प्रतिबिंब उमटलेले दिसू शकेल.