मुंबई : ग्राहकोपयोगी बहुविध व्यवसायांत कार्यरत समूह आयटीसी लिमिटेडमधून हॉटेल व्यवसायाच्या विलगीकरणांतून, स्वतंत्र कंपनीत रूपांतरित झालेल्या आयटीसी हॉटेल्स लिमिटेडचे समभाग गुरुवारच्या सत्रात १८० रुपयांवर सूचिबद्ध झाले.
गेल्या वर्षी, आयटीसीने भागधारकांसाठी मूल्यवर्धनाच्या दृष्टीकोनातून त्यांच्या हॉटेल व्यवसायाचे विलगीकरण करण्याचा निर्णय घेतला. आयटीसीच्या हॉटेल व्यवसायाचे स्वतंत्र कंपनीतील विलगीकरण हे १ जानेवारी २०२५ पासून लागू करण्यात आले. आयटीसी हॉटेल्स लिमिटेडचे समभाग देखील आयटीसी लिमिटेडकडून भांडवली बाजारात सूचिबद्ध करण्याचा निर्णय घेण्यात आला. यासाठी विलगीकरण गुणोत्तर (डिमर्जर रेशो) १:१० निश्चित करण्यात आला होता. याचाच अर्थ असा ६ जानेवारी २०२५ रोजी ज्या भागधारकांकडे आयटीसीचे १० समभाग असतील, विलगीकरणानंतर आयटीसी हॉटेल्सचा एक समभाग प्राप्त झाला आहे. विलगीकरण योजनेनुसार, आयटीसीच्या भागधारकांची आयटीसी हॉटेल्समध्ये १०० टक्के, म्हणजे सुमारे ६० टक्के थेट आणि आयटीसीमधील त्यांच्या भागधारणेद्वारे सुमारे ४० टक्के मालकी राहिल.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
