‘केआरएन हीट’कडून गुंतवणूकदारांना पदार्पणालाच ११७ टक्के परतावा

गेल्या आठवड्यात सार्वजनिक प्रारंभिक विक्रीद्वारे प्रत्येकी २२० रुपयांना गुंतवणूकदारांनी मिळविलेल्या या समभागाच्या गुरुवारी सकाळी शेअर बाजारात नोंदणी होताच, त्याने ४७० रुपयांच्या पातळीवर व्यवहार सुरू झाले. नंतरच्या व्यवहारात तो ५१३.५० रुपयांपर्यंत झेपावला. दिवसअखेर समभाग वितरित किमतीच्या तब्बल ११७.६३ टक्के अधिमूल्य म्हणजेच २५८.६९ रुपयांच्या वाढीसह ४७८.७९ रुपयांवर स्थिरावला. पदार्पणातील या चमकदार कामगिरीमुळे ‘केआरएन हीट एक्सचेंजर’च्या बाजारभावानुसार कंपनीचे बाजार भांडवल २,२०८ कोटी रुपये झाले आहे.

आणखी वाचा

सरकारी बँकांना सहामाहीत ८६ हजार कोटींचा निव्वळ नफा

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

अमेरिकी महागाई दराच्या प्रतीक्षेत निर्देशांकात नगण्य वाढ

‘आयपीओ’ मिळण्याची शक्यता कशी वाढवावी? कटऑफ किंमत, एकापेक्षा अधिक डिमॅट खाती, कोटा याबाबत निर्णय कसा करावा?

सार्वजनिक क्षेत्रातील बँकांचे ‘एनपीए’ ३.१६ लाख कोटींवर

इक्विटी फंडांतील ओघ ओसरला! नोव्हेंबरमध्ये १४ टक्क्यांनी घटून ३५,९४३ कोटींवर

पीएनबी गैरव्यवहार प्रकरणः मेहूल चोक्सीविरोधात ईडीची मोठी कारवाई, १२५ कोटींच्या मालमत्ता फसवणूक झालेल्या बँकांना सुपूर्त करण्याच्या प्रक्रियेला सुरूवात

विश्लेषण : बुडालेल्या ठेवी परत मिळू शकतात? शासनाचे नवे परिपत्रक काय?

हेही वाचा >>> Sensex Today: आधी मोठी झेप, आता घसरण; सेन्सेक्स बाजार उघडताच ८४५ अंकांनी कोसळला; Nifty50 ही घसरला!

‘केआरएन हीट’ची प्रारंभिक समभाग विक्री २५ सप्टेंबर ते २७ सप्टेंबरदरम्यान पार पडली होती. यासाठी कंपनीने २०९ रुपये ते २२० रुपयांचा किंमतपट्टा निश्चित केला होता. या प्रारंभिक समभाग विक्रीच्या माध्यमातून तिने ३४२ कोटी रुपये उभारले आहेत. संस्थात्मक गुंतवणूकदारांच्या जबरदस्त सहभागामुळे कंपनीच्या आयपीओला अखेरच्या दिवशी २१४ पटींहून अधिक प्रतिसाद प्राप्त झाला होता. ‘केआरएन हीट एक्सचेंजर आणि रेफ्रिजरेशन’ ही राजस्थानमधील कंपनी असून हीट एक्सचेंजर्सची आघाडीची उत्पादक म्हणून कार्यरत आहे. त्यांच्या उत्पादनांमध्ये ट्यूब-टाइप हीट एक्सचेंजर्स, तांबे आणि ॲल्युमिनियम फिन, कॉपर ट्यूब, वॉटर कॉइल्स, कंडेन्सर कॉइल आणि बाष्पीभवन करणाऱ्या कॉइल यांचा समावेश होतो. ही उत्पादने प्रामुख्याने घरगुती, व्यावसायिक आणि औद्योगिक क्षेत्रातील हीटिंग, वेंटिलेशन, एअर कंडिशनिंग आणि रेफ्रिजरेशनप्रणालींमध्ये वापरली जातात. डायकिन एअर कंडिशनिंग, श्नाइडर इलेक्ट्रिक, किर्लोस्कर चिलर्स, ब्लू स्टार, क्लायमाव्हेंटा क्लायमेट टेक्नॉलॉजीज आणि फ्रिजेल इंटेलिजेंट कूलिंग सिस्टम्स इंडिया यासारख्या आघाडीच्या तिच्या ग्राहक कंपन्या आहेत.