जीएसटी संकलनात महाराष्ट्र अव्वल! सरलेल्या आर्थिक वर्षात तिजोरीत ३.२ लाख कोटींची भर

हेही वाचा >>> कॅनरा बँकेकडून ‘समभाग विभागणी’ पात्रतेसाठी १५ मे रेकॉर्ड तारीख घोषित

महाराष्ट्र राज्याच्या देशातील एकूण वस्तू व सेवा कर संकलनातील वाटा १६ टक्के राहिला आहे. गतवर्षीच्या तुलनेत (१५ टक्के) त्यामध्ये सुमारे १ टक्क्याची वाढ दिसून येत आहे. तसेच वस्तू व सेवा कर संकलनातील राज्याचा वाढीचा दर (१८ टक्के) हा देशाच्या सरासरी दरापेक्षा (१२ टक्के) अधिक आहे. ही राज्यातील उद्योग, व्यापार यांच्या दृष्टीने जमेची बाजू आहे. राज्यातील आर्थिक व्यवहारातील गतिमानता तसेच वस्तू व सेवा कर विभागाद्वारे महसुल वृद्धीसाठी करण्यात आलेल्या प्रयत्नांमुळे कर संकलनाचा चढता आलेख टिकवून ठेवणे शक्य झाले आहे, अशी माहिती महाराष्ट्राच्या वस्तू व सेवा कर विभागाने दिली.

हेही वाचा >>> तेजीवाल्यांची पुन्हा सरशी; तणाव निवळल्याने सेन्सेक्सची सहा शतकी दौड

राज्याच्या निव्वळ महसुलाचा विचार करता, राज्यास जीएसटीतून १,४१,७०० कोटी एवढा उच्चांकी महसूल प्राप्त झाला आहे. राज्य व सेवाकराच्या माध्यमातून (एसजीएसटी) ९३,४०० कोटी तर एकात्मिक कराच्या माध्यमातून ४८,३०० कोटींचा महसूल तिजोरीत जमा झाला. पेट्रोल व मद्य उत्पादनावरील मूल्यवर्धित कराचा महसूल ५३,२०० कोटी राहिला आहे. वस्तू व सेवा कर, मुल्यवर्धित कर, व्यवसाय कर यांच्या एकंदरीत महसुलाचा राज्यातील वृद्धी दर हा ११ टक्के नोंदवला आहे.