कृत्रिम प्रज्ञेमुळे नोकऱ्यांवर गदा; ‘आयबीएम’ची स्पष्टच कबुली : ७,८०० कर्मचाऱ्यांची जागा ‘एआय’ घेईल!

कृत्रिम प्रज्ञेमुळे (आर्टिफिशियल इंटेलिजन्स – एआय) अनेक प्रकारच्या नोकऱ्या नामशेष होणार असल्याची चर्चा सुरू आहे. यातच आता तंत्रज्ञान क्षेत्रातील इंटरनॅशनल बिझनेस मशिन्स अर्थात आयबीएम कॉर्पोरेशनने याची सुस्पष्ट कबुली देताना, भविष्यात कंपनीतील ७,८०० कर्मचाऱ्यांची जागा ‘एआय’कडून घेतली जाईल, असे नमूद केले आहे आणि त्याची तयारी म्हणून नवीन भरतीही स्थगित केली आहे. याबाबत आयबीएमचे मुख्य कार्यकारी अधिकारी अरविंद कृष्णा म्हणाले की, ग्राहककेंद्रित नसलेल्या मनुष्यबळासह इतर विभागांच्या नवीन भरतीला स्थगिती मिळणे अपेक्षित आहे. पुढील पाच वर्षांत या विभागांतील ३० टक्के कर्मचाऱ्यांची जागा ‘एआय’ घेईल. आगामी काही वर्षांत ७,८०० कर्मचाऱ्यांची जागा ‘एआय’ घेईल. या कर्मचारी कपातीमध्ये सध्या कमी करण्यात आलेल्या मनुष्यबळाचा समावेश नसेल.

आणखी वाचा

Success Story : कुली म्हणून करायचे काम, मोफत Wifi च्या मदतीने अभ्यास करून दिली UPSC परीक्षा अन् झाले IAS अधिकारी

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

कुतूहल : बीएआरसी आणि टीआयएफआर

‘इतिहास’ बदलणाऱ्या ‘ या ‘ मतदारसंघाचा ‘वर्तमान’ अस्वस्थ! वडगाव शेरीत महायुतीचा उमेदवार ठरेना; शरद पवार गटाकडून ‘थांबा आणि पाहा’ धोरण

 कुतूहल : पारदर्शी कृत्रिम बुद्धिमत्तेचे उपयोजन

कुतूहल : पारदर्शी कृत्रिम बुद्धिमत्तेतील कळीची आव्हाने

विश्लेषण : राज्य शालेय शिक्षण मंडळाला ‘सीबीएसई’चाच अभ्यासक्रम का राबवायचाय? त्यावरून वाद का सुरू आहे?

कुतूहल – पारदर्शी कृत्रिम बुद्धिमत्ता : संकल्पना विकास

आयबीएममध्ये सध्या २ लाख ६० हजार इतके मनुष्यबळ कार्यरत आहे. संगणक प्रणाली विकास आणि ग्राहककेंद्रित विभागांमध्ये कंपनीकडून नवीन भरती सुरू राहणार आहे. कंपनीने या वर्षाच्या सुरुवातीला ५,००० कर्मचाऱ्यांची कपात केली गेली. यंदा पहिल्या तिमाहीत कंपनीने तुलनेने कमी म्हणजे ७,००० कर्मचाऱ्यांची भरती केली आहे.

रोजगार कपातीची ओरड

मायक्रोसॉफ्टच्या पाठिंब्याने ‘ओपन एआय’चे चॅटबॉट आणि चॅटजीपीटी गेल्या वर्षी नोव्हेंबरमध्ये सुरू झाले. जगभरात सध्या कृत्रिम प्रज्ञेबाबत मोठी चर्चा सुरू आहे. यामुळे मोठ्या प्रमाणात कुतूहल जागवले गेले आहे. कृत्रिम प्रज्ञेमुळे रोजगारात मोठी कपात होईल, अशीही ओरड सुरू आहे. आता आयबीएमनेच याबाबत पहिल्यांदाच उघडपणे भाष्य केले आहे.