मारुती सुझुकीचा सव्वा लाख कोटींचा विस्तार कार्यक्रम

वाहननिर्मिती क्षेत्रातील मारुती सुझुकी इंडियाने २०३०-३१ पर्यंत आखलेल्या विस्तार कार्यक्रमावरील भांडवली खर्च १.२५ लाख कोटी रुपयांवर नेण्याची योजना आखली आहे. सध्या कंपनीकडून वाहनांच्या १७ मॉडेलचे उत्पादन घेतले जात असून, भविष्यात ही संख्या २८ वर नेण्यात येणार असून, उत्पादन क्षमतेतही विस्ताराचा मानस आहे.

आणखी वाचा

रिलायन्स इंडस्ट्रीजचा तिमाही नफा वाढून १८,५४० कोटींवर; शेअरच्या भाव वाढेल काय, विश्लेषकांचे अंदाज काय?  

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

तूरडाळ किलोमागे ५० रुपयांनी स्वस्त

मुदतठेवींमध्ये १० हजार कोटींची घट; पालिकेचा राखीव निधी ९१ हजार कोटींवरून ८१ हजार कोटींवर

Maha Kumbh Mela 2025: महाकुंभमुळे मिळणार २००० कोटींची आर्थिक चालना; अर्थव्यवस्था काय सांगते?

वर्षभरात अटल सेतूवरुन धावली ८२ लाख ८१ हजार वाहने, सेतू वाहतूक सेवेत दाखल होऊन एक वर्षे पूर्ण

एसटीच्या ताफ्यात वर्षभरात २०० ई-बस चार्जिंग स्टेशनची क्षमताही वाढणार

२१०० कोटींचा तुळजाभवानी तीर्थक्षेत्र विकास आराखडा मान्यतेसाठी मुख्यमंत्र्यांकडे सादर, आमदार पाटील यांची माहिती

मारुती सुझुकी इंडिया ही देशातील सर्वांत मोठी मोटार उत्पादक कंपनी आहे. कंपनीने वार्षिक उत्पादन क्षमता २०३०-३१ पर्यंत ४० लाखांवर नेण्यासाठी भांडवली खर्च वाढविण्याचे पाऊल उचलले आहे. कंपनीने भांडवली बाजाराला दिलेल्या माहितीनुसार, गुरुग्राम, मानेसर आणि गुजरातमधील सध्याच्या उत्पादन प्रकल्पांवर नियमित भांडवली खर्च सुरू असेल. तथापि मागील आर्थिक वर्ष २०२२-२३ मध्ये ७,५०० कोटी रुपये असलेला विस्ताररूपी भांडवली खर्च २०३०-३१ पर्यंत १.२५ लाख कोटी रुपयांवर जाईल.

कंपनीने भागधारक, विश्लेषक आणि गुंतवणूकदारांसमोर केलेल्या सादरीकरणात म्हटले आहे की, उत्पादन क्षमता २० लाखांवर नेण्यासाठी कंपनीला ४५ हजार कोटी रुपयांची गुंतवणूक करावी लागेल. देशांतर्गत मोटार विक्री दुपटीने वाढविण्यात येणार असून, त्यासाठी विक्री, सेवा आणि सुट्या भागांसाठी अतिरिक्त पायाभूत सुविधा उभाराव्या लागतील. यासाठी कंपनीला निधीची आवश्यकता भासेल. संशोधन व विकास कार्यक्रमावरही अतिरिक्त तरतूद करावी लागेल. विविध प्रकारच्या इंधनांवर चालणारी नवीन १० ते ११ मॉडेल विकसित करण्याचा कंपनीचा मानस असून, त्यासाठीही भांडवली खर्च केला जाईल.