मदर डेअरीने ग्राहकांना दिला दिलासा, धारा ब्रँडच्या तेलाच्या दरात कपात, नवीन दर काय? | Mother Dairy gave relief to customers Dhara brand oil price cut what is the new price

जागतिक बाजारात खाद्यतेलाच्या किमती कमी झाल्यामुळे धारा ब्रँडच्या तेलाच्या किमतीत ही कपात करण्यात आली आहे, असंही मदर डेअरीचे म्हणणे आहे.

दोन देशांतून येणाऱ्या पामतेलाची आयात घटली

Edible Oil Price : पावसाळा सुरू होण्यापूर्वीच मदर डेअरीने लोकांना एक आनंदाची बातमी दिली आहे. आता पावसात भज्जी खाणे आणि चहा पिण्याचा तुमच्या खिशावरचा भार काही प्रमाणात कमी होणार आहे. खाद्यतेल ब्रँड ‘धारा’ विकणाऱ्या मदर डेअरीने तेलाच्या दरात प्रतिलिटर १० रुपयांपर्यंत कपात करण्याची घोषणा केली आहे. नवीन किमतीसह पॅकिंग पुढील आठवड्यापासून उपलब्ध होणार आहे. मदर डेअरी ही दिल्ली आणि एनसीआर प्रदेशातील दुग्धजन्य पदार्थांचा एक प्रमुख पुरवठादार असून, धारा ब्रँड अंतर्गत खाद्यतेल देखील विकते.

कंपनीला काय म्हणायचे आहे?

जागतिक बाजारात खाद्यतेलाच्या किमती कमी झाल्यामुळे धारा ब्रँडच्या तेलाच्या किमतीत ही कपात करण्यात आली आहे, असंही मदर डेअरीचे म्हणणे आहे. “धारा खाद्यतेलाच्या सर्व प्रकारांमध्ये कमाल किरकोळ किमतीत (MRP) प्रति लिटर १० रुपयांपर्यंत कपात केली जात आहे. आंतरराष्ट्रीय स्तरावर खाद्यतेलाच्या किमतीत झालेली घसरण आणि देशांतर्गत मोहरीसारख्या तेलबिया पिकांच्या उपलब्धतेत झालेली सुधारणा लक्षात घेऊन हे पाऊल उचलण्यात आले आहे,” असंही मदर डेअरीच्या प्रवक्त्याने गुरुवारी जारी केलेल्या निवेदनात म्हटले आहे. तसेच पुढील आठवड्यात धारा ब्रँडचे खाद्यतेल नवीन एमआरपीसह येईल, असे प्रवक्त्याने सांगितले. दरात कपात केल्यानंतर धाराचे रिफाइंड तेल आता २०० रुपये प्रति लिटरवर आले आहे. त्याचप्रमाणे धारा काची घणी मोहरीच्या तेलाची एमआरपी १६० रुपये प्रति लिटर आणि धारा मोहरीच्या तेलाची एमआरपी १५८ रुपये प्रति लिटर असेल. यासह धाराचे रिफाइंड केशर तेल आता १५० रुपये प्रति लिटर आणि खोबरेल तेल २३० रुपये प्रति लिटर दराने विकले जाईल.

आणखी वाचा

How to invest in mutual fund SIPs the right way

म्युच्युअल फंडामध्ये योग्य पद्धतीने गुंतवणूक कशी करावी? जाणून घ्या, SIP कशी सुरू करावी?

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

tur dal cost decrease by rs 50 per kg other pulses price drop

तूरडाळ किलोमागे ५० रुपयांनी स्वस्त

Daily petrol diesel price on 14 January 2025 in marathi

Petrol Diesel Price: महाराष्ट्रात जाहीर झाले पेट्रोल-डिझेलचे दर! तुमच्या शहरांत एक लिटर इंधनाची काय असेल किंमत?

crude oil prices at 80 dollar per barrel on global supply concerns

तेल किमती वाढ, चार महिन्यांतील उच्चांकी पातळी; खनिज तेलाचे भाव पिंपामागे ८० डॉलरवर

Petrol Diesel Rate: महाराष्ट्रातील काही शहरांत इंधनाच्या किंमतीत वाढ; जाणून घ्या पेट्रोल-डिझेलचा आजचा भाव

Third consecutive losing session for Sensex Nifty

‘आयटी’ वगळता सारेच घसरणीला! सेन्सेक्स-निफ्टीसाठी सलग तिसरे नुकसानीचे सत्र

Petrol and Diesel Prices 10 January In Marathi

Petrol Diesel Rate : महाराष्ट्रातील ‘या’ शहरांमध्ये स्वस्त झाले पेट्रोल-डिझेल; घराबाहेर पडण्यापूर्वी येथे चेक करा नवीन दर

हेही वाचाः एचडीएफसी बँकेचे कर्ज महागले, तुमचा EMI आता वाढणार

केंद्र सरकारकडून दर कमी करण्याच्या सूचना

केंद्राने शुक्रवारी खाद्यतेल संघटनेला खाद्यतेलाच्या किमती कमी करण्याचे निर्देश दिले. जागतिक बाजारपेठेतील घटत्या किमती पाहता केंद्राने खाद्यतेलाचे दर प्रतिलिटर ८ ते १२ रुपयांनी तातडीने कमी करण्याच्या सूचना दिल्या होत्या. अन्न मंत्रालयाने अन्न सचिव संजीव चोप्रा यांच्या अध्यक्षतेखाली उद्योग प्रतिनिधींसोबत घेतलेल्या बैठकीनंतर या संदर्भात निर्देश जारी केले होते. इतकेच काय, त्यांना त्यांच्या किमती कमी करण्याचा सल्लाही देण्यात आला होता. निर्मात्याने आणि रिफायनरने वितरकाला देऊ केलेल्या किमतीही तत्काळ प्रभावाने कमी करणे आवश्यक आहे, जेणेकरून किमतीतील घसरण कोणत्याही प्रकारे कमी होणार नाही. खाद्यतेलाच्या किमतीतील घसरणीचा कल कायम आहे आणि खाद्यतेल उद्योगाकडून आणखी कपातीची तयारी केली जात आहे, असंही मंत्रालयाने म्हटले आहे.

हेही वाचाः एलआयसीकडून टेक महिंद्रामधील हिस्सेदारीत वाढ

First published on: 09-06-2023 at 10:28 IST

Web Title: Mother dairy gave relief to customers dhara brand oil price cut what is the new price vrd