आता कर्ज घेण्यासाठी तुम्हाला बँकेत जाण्याची किंवा नेट बँकिंगद्वारे लॉग इन करण्याची गरज नाही. तुम्हाला तुमच्या स्वतःच्या UPI द्वारे कर्जाची सुविधा मिळणार आहे, यासाठी आरबीआयने बँकांना मार्गदर्शक सूचना दिल्या आहेत. RBI ने देशातील सर्व बँकांना युनिफाइड पेमेंट इंटरफेस म्हणजेच UPI वर ग्राहकांना पूर्व मंजूर कर्ज देण्यास सांगितले आहे. RBI च्या या निर्णयाचा मुख्य उद्देश UPI पेमेंट सिस्टमची व्याप्ती वाढवणे हा आहे.
UPI ची व्याप्ती वाढण्यास मदत होणार
रिझर्व्ह बँक ऑफ इंडियाने आपल्या निवेदनात म्हटले आहे की, सध्या बचत खाते, ओव्हरड्राफ्ट खाते, प्रीपेड वॉलेट आणि क्रेडिट कार्ड UPI शी लिंक केले जाऊ शकते. आता त्याची व्याप्ती आणखी वाढवली जात आहे. UPI आता क्रेडिट लाइन्स फंडिंग खाती म्हणून समाविष्ट करण्यासाठी विस्तारित केले जात आहे. RBI ने म्हटले आहे की, या सुविधेअंतर्गत पूर्व संमतीने अनुसूचित व्यावसायिक बँकांद्वारे जारी केलेल्या पूर्व मंजूर कर्जाद्वारे वैयक्तिक ग्राहकांना देय देणे, UPI प्रणाली वापरून व्यवहार सक्षम केले जातील.
हेही वाचाः Money Mantra : EPF मधील शिल्लक गृहकर्जाची परतफेड करण्यासाठी काढावी का? तज्ज्ञ म्हणतात…
बँकेला आधी बोर्डाची मान्यता घ्यावी लागणार
दुसरीकडे ही प्रक्रिया राबवण्यापूर्वी सर्व बँकांना धोरण तयार करून त्यांच्या संचालक मंडळाकडून मंजुरी घ्यावी लागणार आहे. या पॉलिसी अंतर्गत किती कर्ज दिले जाऊ शकते? ते कोणाला देता येईल? कर्जाचा कालावधी काय असेल? तसेच कर्जावर किती व्याज आकारले जाईल, या सर्व गोष्टींवर निर्णय घेतला जाईल. त्यानंतर कर्ज देण्याची प्रक्रिया सुरू केली जाईल. 6 एप्रिल रोजी मध्यवर्ती बँकेने आपल्या चलनविषयक धोरणाच्या बैठकीत बँकांच्या वतीने पूर्व मंजूर क्रेडिट लाइन्सच्या हस्तांतरणाद्वारे देयकांना परवानगी देण्याचा प्रस्ताव मांडला. UPI ची व्याप्ती वाढवणे हा त्याचा उद्देश होता.
हेही वाचाः नजारा टेकला कामत असोसिएट्सने दिले १०० कोटी रुपये, शेअर्समध्ये १० टक्क्यांनी उसळी
ऑगस्टमध्ये विक्रमी UPI व्यवहार झाले
१ सप्टेंबर रोजी नॅशनल पेमेंट्स कॉर्पोरेशन ऑफ इंडियानुसार, UPI ने ऑगस्टमध्ये प्रथमच एका महिन्यात १० अब्ज व्यवहार पार केले. ३० ऑगस्टपर्यंत UPI ने महिन्यादरम्यान १०.२४ अब्ज व्यवहार नोंदवले, ज्याचे मूल्य १५.१८ लाख कोटी रुपये आहे. जुलैमध्ये यूपीआय प्लॅटफॉर्मवर ९.९६ अब्ज व्यवहार झाले. ऑगस्ट महिन्यात यूपीआयद्वारे दररोज सुमारे ३३० दशलक्ष व्यवहार झाले.
