मुंबई : भांडवली बाजारात सलग दोन सत्रांत सुरू राहिलेल्या तेजीला मंगळवारी खंड बसला आणि निर्देशांकांना पुन्हा घसरणीने घेरले. पश्चिम आशियातील वाढत्या तणावामुळे परकीय निधीचा प्रवाह घटला, शिवाय, अमेरिकी मध्यवर्ती बँक – फेडरल रिझर्व्हच्या व्याजदराच्या निर्णयापूर्वी गुंतवणूकदारांनी सावध पवित्रा घेतला.
मंगळवारच्या घसरणीसह सेन्सेक्स आणि निफ्टी या प्रमुख निर्देशांकांसाठी सरलेला ऑक्टोबर महिना हा विद्यमान २०२३ सालातील सर्वाधिक घसरणीचा महिना ठरला. मंगळवारी महिन्याच्या अंतिम दिवशी सेन्सेक्स २३२.७२ अंशांनी (०.३७ टक्के) घसरून ६३,८७४.९३ वर स्थिरावला. त्या उलट निफ्टी ६१.३० अंशांनी (०.३२ टक्के) घसरून १९,०७९.६० वर पोहोचला. व्यापक बाजारपेठेत मात्र खरेदीचे वातावरण होते. परिणामी, बीएसई मिडकॅप आणि स्मॉलकॅप निर्देशांक अनुक्रमे ०.२९ टक्के आणि ०.०२ टक्क्यांनी वाढले.
आखातातील युद्ध स्थितीमुळे खनिज तेलाच्या आंतरराष्ट्रीय किमती वाढल्या आणि भारतासारख्या निव्वळ आयातदारांसाठी ही अत्यंत नकारात्मक बाब ठरली. दुसरीकडे अमेरिकेतील रोख्यांचा परतावा लक्षणीय वाढल्यामुळे परदेशी गुंतवणूकदारांकडून सतत विक्रीचा दबाव बाजारावर कायम राहिला. परिणामी, परदेशी गुंतवणूकदारांनी ऑक्टोबरमध्ये आतापर्यंत २२,८५० कोटी रुपये किमतीचे समभाग विकले आहेत. परदेशी गुंतवणूकदारांचे विक्रीचे प्रमाणही जानेवारी २०२३ पासून कोणत्याही महिन्यातील सर्वाधिक आहे.
मंगळवारच्या घसरणीसह सेन्सेक्स आणि निफ्टी या प्रमुख निर्देशांकांसाठी सरलेला ऑक्टोबर महिना हा विद्यमान २०२३ सालातील सर्वाधिक घसरणीचा महिना ठरला. मंगळवारी महिन्याच्या अंतिम दिवशी सेन्सेक्स २३२.७२ अंशांनी (०.३७ टक्के) घसरून ६३,८७४.९३ वर स्थिरावला. त्या उलट निफ्टी ६१.३० अंशांनी (०.३२ टक्के) घसरून १९,०७९.६० वर पोहोचला. व्यापक बाजारपेठेत मात्र खरेदीचे वातावरण होते. परिणामी, बीएसई मिडकॅप आणि स्मॉलकॅप निर्देशांक अनुक्रमे ०.२९ टक्के आणि ०.०२ टक्क्यांनी वाढले.
आखातातील युद्ध स्थितीमुळे खनिज तेलाच्या आंतरराष्ट्रीय किमती वाढल्या आणि भारतासारख्या निव्वळ आयातदारांसाठी ही अत्यंत नकारात्मक बाब ठरली. दुसरीकडे अमेरिकेतील रोख्यांचा परतावा लक्षणीय वाढल्यामुळे परदेशी गुंतवणूकदारांकडून सतत विक्रीचा दबाव बाजारावर कायम राहिला. परिणामी, परदेशी गुंतवणूकदारांनी ऑक्टोबरमध्ये आतापर्यंत २२,८५० कोटी रुपये किमतीचे समभाग विकले आहेत. परदेशी गुंतवणूकदारांचे विक्रीचे प्रमाणही जानेवारी २०२३ पासून कोणत्याही महिन्यातील सर्वाधिक आहे.
