‘पीपीएफ’ गुंतवणूकदारांना मिळणार ७.१ टक्क्यांचा लाभ; पोस्टाच्या योजनांवरील व्याजदर सलग तिसऱ्या तिमाहीत जैसे थे!

हेही वाचा >>> १ ऑक्टोबरपासून एलपीजी गॅस, आधार, पॅनसह बदलणार ‘हे’ ५ महत्त्वाचे नियम; प्रत्येकाच्या आर्थिक व्यवहारांवर होणार थेट परिणाम, वाचा सविस्तर

अधिसूचनेनुसार, सुकन्या समृद्धी योजनेंतर्गत ठेवींवर ८.२ टक्के व्याज मिळेल, तर पोस्टाच्या तीन वर्षांच्या मुदत ठेवीवरील दर ७.१ टक्के राहील. लोकप्रिय असलेल्या सार्वजनिक भविष्य निर्वाह निधी (पीपीएफ) आणि पोस्टाच्या बचत ठेव योजनांचे व्याजदर देखील अनुक्रमे ७.१ टक्के आणि ४ टक्के या पातळीवर राखून ठेवले गेले आहेत. किसान विकास पत्रावरील व्याजदर ७.५ टक्के असेल आणि ही गुंतवणूक ११५ महिन्यांत परिपक्व होईल. राष्ट्रीय बचत पत्रावरील (एनएससी) व्याजदर या तिमाही कालावधीसाठी ७.७ टक्के राहील. मासिक उत्पन्न योजनेतील गुंतवणूकदार ७.४ टक्के दराने व्याज कमावतील. केंद्रीय अर्थमंत्रालय पोस्ट ऑफिस आणि बँकांद्वारे चालवल्या जाणाऱ्या अल्पबचत योजनांवरील व्याजदरांचा प्रत्येक तिमाहीला आढावा घेऊन, त्यांचे दर निर्धारीत करत असते. तथापि मागील तीन तिमाहींपासून व्याजदरात कोणताही बदल करण्यात आलेला नाही.