सरकारी बँका, वित्त संस्थांची भंगार विक्रीतून ४.५ कोटींची कमाई

हेही वाचा >>> Muhurat Trading Day: सवंत्सर २०८१ बक्कळ लाभाचे… मुहूर्ताला सेन्सेक्सची ३३५ अंशांची कमाई

यामध्ये सार्वजनिक क्षेत्रातील बँक. विमा कंपन्या, नाबार्ड, सिडबी, एक्झिम बँक यांसारख्या सार्वजनिक क्षेत्रातील वित्तीय संस्थांच्या सर्व संस्थांनी सक्रिय सहभाग घेतला. याबरोबरच सार्वजनिक तक्रारी, सार्वजनिक अपील या संदर्भांतील तक्रारींचे निराकरण केले, असे त्यात म्हटले आहे. तब्बल ११.७९ लाख चौरस फूट जागा मोकळी करण्यात आली आहे आणि भंगार विल्हेवाटीच्या माध्यमातून ४.५० कोटी रुपयांचा महसूल मिळाला आहे, असे सांगून देशभरातील ३८,५०० हून अधिक ठिकाणी ही मोहीम राबवण्यात आली. मोहिमेदरम्यान, १२ सरकारी बँका आणि ४३ प्रादेशिक ग्रामीण बँकांनी पेन्शन तक्रार सप्ताह आयोजित केला होता. देशभरातील ५२,२०८ पेक्षा जास्त शाखांमध्ये अंदाजे १.४५ लाख निवृत्ती वेतनधारकांशी संपर्क साधण्यात आल्याचा दावा त्यात करण्यात आला. लाइफ इन्शुरन्स कॉर्पोरेशन ऑफ इंडिया अर्थात एलआयसीने १२.७७ लाख दावा न केलेल्या (अनक्लेम) पॉलिसी निकाली काढल्या आणि १०,७४२ कोटींहून अधिक दावे निकाली काढले, असेही त्यात म्हटले आहे.