१ ऑक्टोबरपासून एलपीजी गॅस, आधार, पॅनसह बदलणार ‘हे’ ५ महत्त्वाचे नियम; प्रत्येकाच्या आर्थिक व्यवहारांवर होणार थेट परिणाम, वाचा सविस्तर

१ ऑक्टोबरपासून ‘या’ आर्थिक नियमांत होणार बदल

१) एलपीजी किमतीत बदल

दर महिन्याच्या पहिल्या दिवशी तेल विपणन कंपन्या एलपीजी सिलिंडरच्या किमती बदलतात, त्यामुळे ऑक्टोबर २०२४ महिन्याचे सुधारित दर १ ऑक्टोबर रोजी सकाळी ६ वाजता जाहीर केले जाऊ शकतात. अलीकडे १९ किलो व्यावसायिक गॅस सिलिंडरच्या किमतींमध्ये वारंवार बदल होत असतानाही १४ किलोच्या घरगुती एलपीजी सिलेंडरची किंमत काही काळासाठी स्थिर आहे. १ सप्टेंबर २०२४ रोजी प्रमुख शहरांमध्ये व्यावसायिक एलपीजी सिलिंडरच्या किमती वाढल्या. इंडियन ऑइल कॉर्पोरेशन लिमिटेड (IOCL) च्या वेबसाइटनुसार, मुंबईत १९ किलो LPG सिलिंडरची किंमत १६०५ वरून थेट १६४४ रुपयापर्यंत गेली, त्याचप्रमाणे इतर शहरांमध्ये किमती वाढल्या.

आणखी वाचा

मतदारांना आमिषे दाखविण्यास सुरवात; भाईंदरमध्ये मद्य आणि मासळाची साठा जप्त

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

हिंदी मालिकेच्या सेटवर निशिगंधा वाड यांचा अपघात; तातडीने रुग्णालयात केलं दाखल

२८ नोव्हेंबरला गुरु बदलणार आपली चाल! ‘या’ राशीच्या लोकांच्या आयुष्यात येणार आनंद, मिळेल अपार धन

१५ नोव्हेंबर पंचांग: कार्तिक पौर्णिमेला कोणाला होईल धनप्राप्ती? जन्मराशीनुसार तुम्हाला पावणार आज भगवान विष्णू व देवी लक्ष्मी; वाचा राशिभविष्य

हळदीच्या पाण्याचे सेवन अन् दुपारच्या जेवणात…; रकुल प्रीत सिंगने सांगितला तिचा डाएट प्लॅन; म्हणाली, “रात्रीचे जेवण…”

१२ नोव्हेंबरपासून चमकणार ‘या’ तीन राशींचे नशीब, मिळणार अपार पैसा अन् धन

आंतरधर्मीय विवाहामुळे सैफ अली खानला मिळाल्या होत्या धमक्या; स्वतः खुलासा करत म्हणालेला, “आमच्या घराजवळ…”

२) आधार कार्ड नियमात बदल

बजेटमध्ये आधार क्रमांकाऐवजी आधार नोंदणी आयडीचा उल्लेख करण्याची परवानगी देण्याची तरतूद बंद करण्याचा केंद्राचा निर्णय १ ऑक्टोबरपासून अमलात येईल. ऑक्टोबरपासून व्यक्तींना आयटी रिटर्न भरताना किंवा पॅन कार्डच्या कागदपत्रांमध्ये त्यांचा आधार नोंदणी क्रमांक भरण्याची गरज राहणार नाही.

३) पीपीएफ नियमात बदल

सार्वजनिक भविष्य निर्वाह निधी (PPF) खाते, सुकन्या समृद्धी योजना आणि पोस्ट ऑफिसद्वारे कार्यरत असलेल्या इतर लहान बचत योजनांच्या नियमितीकरणाशी संबंधित नवीन नियम १ ऑक्टोबर २०२४ पासून लागू केले जातील. सुधारित नियमांनुसार, अल्पवयीन १८ वर्षांचे होईपर्यंत पोस्ट ऑफिस बचत खात्यावरील व्याज अल्पवयीन व्यक्तीच्या नावाने उघडलेल्या सार्वजनिक भविष्य निर्वाह निधी खात्यांवर उपलब्ध असेल.

४) आयकर नियमात बदल

अर्थमंत्री निर्मला सीतारमण यांनी केंद्रीय अर्थसंकल्प २०२४ मध्ये आयकराशी संबंधित काही महत्त्वपूर्ण बदल सादर केले. यातील काही बदल १ ऑक्टोबरपासून लागू केले जातील. टॅक्स डिडक्शन ॲट सोर्स (टीडीएस) बाबत एक महत्त्वपूर्ण बदल मंगळवारपासून लागू होणार आहे. नवीन नियमांनुसार, केंद्र आणि राज्य सरकारच्या विशिष्ट रोख्यांवर १० टक्के टीडीएस लागू होईल. याव्यतिरिक्त जीवन विमा पॉलिसी, घर भाड्याचे पेमेंट इत्यादींच्या संदर्भात टीडीएस पेमेंट मंगळवारपासून बदलले जाईल.

५) एचडीएफसी बँक क्रेडिट कार्ड नियम

एचडीएफसी बँकेने ॲपल उत्पादनांसाठी रिवॉर्ड पॉइंट्सची पूर्तता Smartbuy प्लॅटफॉर्मवर प्रत्येक कॅलेंडर तिमाहीत एका उत्पादनापर्यंत मर्यादित केली आहे. बँकेने म्हटले आहे की, स्मार्टबाय पोर्टल तनिष्क व्हाउचरसाठी रिवॉर्ड पॉइंट्सची रिडम्शन प्रति कॅलेंडर तिमाही ५० हजार रिवॉर्ड पॉइंट्सवर मर्यादित करेल.