इन्फोसिसचे आऊटगोइंग सीएफओ नीलांजन रॉय, विप्रोचे माजी सीएफओ जतीन दलाल, इन्फोसिसचे माजी कार्यकारी उपाध्यक्ष आणि एचआर प्रमुख रिचर्ड लोबो यांसारख्या आयटी कंपन्यांच्या वरिष्ठ अधिकाऱ्यांचे गेल्या तीन आर्थिक वर्षांतील एकूण वेतन जवळपास दुप्पट झाले आहे. रॉय यांनी गेल्या महिन्यात इन्फोसिसमधून राजीनामा दिला, परंतु आपली भविष्यातील योजना उघड केली नाही, त्यांनी सुमारे ५.१ कोटी रुपये कमावलेत, जे आर्थिक वर्ष २०२० ते २०२३ पर्यंत १०.६ कोटी रुपये झालेत. त्याचप्रमाणे जतीन दलाल यांचे त्याच कालावधीत वेतन ४.४ कोटी रुपयांवरून ८.९ कोटी रुपयांवर पोहोचले. या महिन्यात टेक महिंद्राचे मुख्य कार्यकारी अधिकारी म्हणून रुजू झालेल्या लोबो यांनी आर्थिक वर्ष २०२० मध्ये सुमारे २.५ कोटी रुपये कमावले, जे आर्थिक वर्ष २०२३ मध्ये वाढून ४.९ कोटी रुपये झाले. हेही वाचाः जेफ बेझोसच्या माजी पत्नीने १० अब्ज डॉलरचे शेअर्स विकले, घटस्फोटानंतर सेटलमेंटमध्ये कंपनीतील ४ टक्के हिस्सा मिळवला होता इन्फोसिसचे ईव्हीपी आणि डिलिव्हरी सहप्रमुख नरसिंह राव मन्नेपल्ली यांनी गेल्या वर्षी राजीनामा दिला आणि ते कॉग्निझंटमध्ये सामील होत असल्याची माहिती आहे. त्यांचे मानधन ३.४ कोटींवरून ६.६ कोटी रुपये झाले. तसेच इन्फोसिस अभियांत्रिकी सेवा आणि ब्लॉकचेन माजी वरिष्ठ उपाध्यक्ष आणि ग्लोबल हेड गोपालकृष्णन कोन्नानाथ हे मागील वर्षी सायबेज सॉफ्टवेअरचे अध्यक्ष म्हणून रुजू झाले, त्याच कालावधीत त्यांचा पगार १.५ कोटींवरून २.९ कोटी रुपयांवर गेला. विप्रोचे माजी जागतिक सेल्सफोर्स सराव प्रमुख हरी राजा एस हे ऑगस्ट २०२३ मध्ये अर्न्स्ट अँड यंगमध्ये भागीदार म्हणून सामील झाले होते, त्यांचा पगार दोन वर्षांत ६५ टक्क्यांनी वाढून २ कोटींवरून ३.३ कोटी झाला आणि ते टॉप १० कर्मचाऱ्यांपैकी एक आहेत. हेही वाचाः ”नव्या सर्वोच्च न्यायालयाच्या संकुलासाठी ८०० कोटी मंजूर”, मोदी म्हणाले, ”नवीन संसद भवनाप्रमाणे…” नुकतीच बढती मिळालेल्या नामांकित अधिकारी जसे की, इन्फोसिसचे सीएफओ जयेश संघराजका, विप्रोच्या सीएफओ अपर्णा अय्यर, इन्फोसिसचे ग्रुप हेड शाजी मॅथ्यू यांच्या मानधनात दुप्पट ते तिप्पट वाढ झाली आहे. संघराजकाने त्याच कालावधीत ३.३ कोटींवरून ८.५ कोटींपर्यंत दुपटीहून अधिक वेतन वाढवून घेतले. अय्यरचा मोबदला आर्थिक वर्ष २०२० मध्ये १.१ कोटींवरून आर्थिक वर्ष २०२३ मध्ये २ कोटींहून अधिक झाला. मॅथ्यू ज्यांचे मानधन आर्थिक वर्ष २०२० मध्ये २.२ कोटी होते, त्यांनी आर्थिक वर्ष २०२३ मध्ये ४ कोटींपेक्षा जास्त पैसे कमावले. Infosys मध्ये भारतात १२० पेक्षा जास्त वरिष्ठ कर्मचारी तैनात होते, ज्यांनी आर्थिक वर्ष २०२३ मध्ये वार्षिक १.०२ कोटी रुपयांपेक्षा जास्त कमाई केली होती, विप्रोसाठी ही संख्या सुमारे ६५ च्या घरात होती.
