‘सेबी’कडून ह्युंदाई आणि स्विगीच्या महाकाय आयपीओंना मंजुरी; दोन्ही कंपन्यांकडून ३५,००० कोटींची निधी उभारणी अपेक्षित

सूत्रांनी दिलेल्या माहितीनुसार, ह्युंदाई मोटर इंडिया आयपीओच्या माध्यमातून सुमारे २५,००० कोटी रुपयांचा निधी उभारणार आहे. ह्युंदाईचा आयपीओ हा देशातील हा सार्वजनिक क्षेत्रातील भारतीय आयुर्विमा कंपनी अर्थात एलआयसीच्या २१,००० कोटी रुपयांच्या आयपीओपेक्षा मोठा असेल. तर स्विगीची १०,००० कोटींहून अधिक निधी उभारणीची योजना आहे.

नक्की वाचा

सेन्सेक्स-निफ्टीचे उच्चांकी शिखर

२६ सप्टेंबर पंचांग: दिवसाच्या सुरुवातीला ‘या’ राशींना होणार…

Nitin Gadkari : १९०० कोटींमध्ये रस्ता बांधून ८००० कोटी टोल का वसूल केला? नितीन गडकरींना थेट प्रश्न, हिशेब सांगत म्हणाले…

Mumbai Rain : मुंबईत मुसळधार पाऊस, मध्य रेल्वेचं प्रवाशांना महत्त्वाचं आवाहन, “ट्रेनमध्ये अडकून पडला असाल तर…”

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

Narendra Modi : “मला ८४ हजारांची पेन्शन मिळते, मोदींना किती रुपये मिळतील माहितीय का?”, सुभाष देसाईंनी सगळी आकडेवारी मांडली

Kirit Somaiya : “मला न विचारताच घोषणा”, किरीट सोमय्यांनी भाजपाचा आदेश धुडकावला; म्हणाले, “पुन्हा अशी वागणूक…”

Sharad Pawar : “गृहविभागाने दाखवलेला हलगर्जीपणा…”, अक्षय शिंदे चकमकीत ठार झाल्यानंतर शरद पवारांची प्रतिक्रिया

हेही वाचा >>>सेन्सेक्स ८५ हजारांच्या शिखरावरून माघारी

विद्यमान आर्थिक वर्षात मुख्य बाजार मंचावर सुमारे ६० कंपन्यांनी प्रारंभिक समभाग विक्री करून नशीब अजमावले आहे. सेबीकडे जूनमध्ये दाखल केलेल्या मसुदा प्रस्तावानुसार (डीआरएचपी), ह्युंदाई मोटर इंडियाची मुख्य प्रवर्तक कंपनी ह्युंदाई मोटर ही आंशिक समभाग विक्रीच्या माध्यमातून सुमारे १४.२१ कोटी समभाग विक्री करणार आहे. यात नवीन समभागांची विक्री करणार नसल्याचे नमूद करण्यात आले आहे. यामुळे कंपनीला यातून कोणतेही उत्पन्न मिळणार नाही. मात्र ही समभाग विक्री वाहननिर्मिती उद्योगासाठी एक मैलाचा दगड ठरणार आहे, कारण २००३ मध्ये मारुती सुझुकीच्या सूचिबद्धतेनंतर, दोन दशकांहून अधिक काळानंतर ही या क्षेत्रातील कंपनीकडून केली होणारी पहिली समभाग विक्री आहे. ह्युंदाई मोटर इंडिया ही मारुती सुझुकी इंडियानंतर दुसरी सर्वात मोठी प्रवासी वाहन निर्माता आहे. ह्युंदाई मोटर इंडियाने १९९६ मध्ये भारतात कामकाजाला सुरुवात केली आणि सध्या १३ प्रकारच्या प्रवासी वाहनांची विक्री करते.

स्विगीच्या आयपीओच्या संदर्भातील तपशील अद्याप गोपनीय ठेवण्यात आले आहेत. सूत्रांनी दिलेल्या माहितीनुसार, एप्रिलमध्ये, स्विगीने नवीन समभाग आणि ओएफएसच्या माध्यमातून १०,४१४ कोटी निधी उभारण्यासाठी भागधारकांची मंजुरी मिळवली होती. विद्यमान वर्षात २३ एप्रिल रोजी स्विगीच्या सर्वसाधारण सभेत यासंदर्भात विशेष ठराव मंजूर करण्यात आला, असे त्यांनी सांगितले. बेंगळूरुस्थित कंपनी प्रवर्तकांकडील सुमारे ६,६६४ कोटी रुपये मूल्याचे समभाग आणि ३,७५० कोटी रुपयांच्या नवीन समभागांची विक्री करण्याची शक्यता आहे.