Anil Ambani : अनिल अंबानींवर सेबीची कारवाई, २५ कोटींचा दंड ठोठावत पाच वर्षांसाठी घातली बंदी

सेबीने अनिल अंबानींना ठोठावला २५ कोटींचा दंड

सेबीने अनिल अंबानी ( Anil Ambani ) यांच्यावर मोठी कारवाई करत त्यांना २५ कोटींचा दंड ठोठावला आहे. तसंच त्यांच्यावर पाच वर्षांसाठी बंदी घालण्यात आली आहे. एवढंच नाही तर मार्केट रेग्युलेटरने रिलायन्स होम फायनान्सला सिक्युरिटी मार्केटमध्ये सहा महिन्यांची बंदी घातली आहे आणि त्यांनाही सहा लाखांचा दंड ठोठावला आहे.

आणखी वाचा

मुंबई आयआयटी करणार ठाण्याच्या वाहतुक आराखड्याची फेरआखणी; पुढील पाच वर्षांतील वाहतूक आव्हानांचा होणार अभ्यास

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

गरजेपोटी बांधकामांच्या नियमितीकरण प्रक्रियेला वेग; तांत्रिक मूल्यमापनाचे काम अंतिम टप्प्यात

रिंग रोडसाठी २०० हेक्टर भूसंपादन बाकी; ५०० कोटींच्या निधीची रस्ते विकास महामंडळाकडे मागणी

ठाण्यात थकाबाकीदारांच्या १७८० नळजोडण्या खंडीत, ठाणे महापालिकेची कारवाई

लाडकी बहीण योजनेच्या अर्ज छाननीत तीन टक्के त्रुटींचा संभव;  नाशिक विभागातील स्थिती

डोंबिवलीत मालमत्ता कर थकबाकीदारांच्या गाळ्यांना टाळे

लोकमानस: …त्या अधिकाऱ्यांवर कठोर कारवाई व्हावी!

हे पण वाचा- Video: सूनबाई राधिका मर्चंटच्या विदाईत मुकेश अंबानींना अश्रू अनावर, पाहा अनंत अंबानीच्या लग्नातील भावुक व्हिडीओ

सेबीने अनिल अंबानींच्या विरोधात कारवाई का केली?

SEBI ने त्यांच्या २२२ पानी आदेशात हे नमूद केलं आहे की, अनिल अंबानी यांनी RHFL च्या प्रमुख व्यवस्थापकीय कर्मचाऱ्यांच्या मदतीने, RHFL मधील निधी त्यांच्याशी संबंधित संस्थांना कर्ज म्हणून दाखवून फसव्या योजना आखल्या होत्या असं आढळलं. आपल्याशी संबंधित कंपन्यांना कर्ज दिल्याचं दाखवत त्यांनी हे लपवलं होतं. RHFL च्या संचालक मंडळाने अशा कर्ज पद्धती थांबवण्याचे कठोर निर्देश जारी केले होते आणि कॉर्पोरेट कर्जाचे नियमितपणे पुनरावलोकन केले होते. मात्र तरीही कंपनीच्या व्यवस्थापनाने या आदेशांकडे दुर्लक्ष केले.

सेबीने आणखी काय नमूद केलं आहे?

अनिल अंबानींच्या ( Anil Ambani ) प्रभावाखाली काही प्रमुख व्यवस्थापकीय कर्मचाऱ्यांनी केलेलं हे कृत्य व्यवस्थापनाचं अपयश असल्याचं सिद्ध होत आहे. अनिल अंबानी यांनी ADA समुहाचे अध्यक्ष’ म्हणून आपल्या पदाचा आणि RHFL च्या होल्डिंग कंपनीतील त्यांच्या महत्त्वपूर्ण अप्रत्यक्ष शेअरहोल्डिंगचा वापर फसवणूक करण्यासाठी केलाय उर्वरित संस्थांनी एकतर बेकायदेशीरपणे मिळवलेली कर्जे किंवा RHFL कडून पैसे बेकायदेशीरपणे वळवता येण्यासाठी लाभार्थ्यांची भूमिका बजावली आहे, असं सेबीने नमूद केलं आहे. अनिल अंबानी हे प्रसिद्ध व्यावसायिक मुकेश अंबानी यांंचे बंधू आहेत. त्यांच्यावर सेबीने कारवाई करत त्यांना दणका दिला आहे.