मुंबई : परदेशी संस्थात्मक गुंतवणूकदारांकडून होणारी समभाग विक्री आणि त्यातच आता महागाईच्या उडालेल्या भडक्याने गुंतवणूकदार अधिक चिंतातुर झाले आहेत. परिणामी सलग तिसऱ्या सत्रात प्रमुख निर्देशांकांमध्ये घसरण कायम आहे. खाद्यान्न, विशेषत: भाजीपाला आणि उत्पादित वस्तूंच्या किमती वाढल्यामुळे घाऊक महागाईचा दर ऑक्टोबरमध्ये २.३६ टक्क्यांवर पोहोचला आहे. तर किरकोळ महागाई दरानेदेखील रिझर्व्ह बँकेची उच्च सहनशील पातळी ओलांडत ऑक्टोबरमध्ये तो ६.२१ टक्क्यांची पातळी गाठली आहे.
मुंबई शेअर बाजाराचा निर्देशांक सेन्सेक्स ११०.६४ अंशांनी घसरून ७७,५८०.३१ पातळीवर स्थिरावला. दिवसभरात त्याने २६६.१४ अंश गमावत ७७,४२४.८१ ही सत्रातील नीचांकी पातळी गाठली होती. दुसरीकडे राष्ट्रीय शेअर बाजाराचा निर्देशांक निफ्टीमध्ये २६.३५ अंशांची घसरण झाली. तो २३,५३२.७० अंशांवर स्थिरावला. सलग सहाव्या सत्रात निफ्टीमध्ये घसरण झाली आहे.
हेही वाचा >>> चलनवाढीसह विकासवेग मंदावण्याचा धोका ; शक्तिकांत दास
देशांतर्गत आघाडीवर भांडवली बाजारात निराशाजनक वातावरण असले तरी सत्रांतर्गत अस्थिरता कमी झाली आहे. परदेशी संस्थात्मक गुंतवणूकदारांकडून समभाग विक्री कायम आहे. मात्र सकारात्मक बाब म्हणजे, त्यांचा विक्रीचा माराही कमी झाला असल्याने बाजारातील घसरण मर्यादित राहिली, असे निरीक्षण जिओजित फायनान्शियल सर्व्हिसेसचे संशोधन प्रमुख विनोद नायर यांनी नोंदवले.
आज बाजार-व्यवहार बंद
शुक्रवारी गुरू नानक जयंतीमुळे सार्वजनिक सुट्टी असल्याने मुंबई तसेच राष्ट्रीय अशा दोन्ही शेअर बाजारात व्यवहार होणार नाहीत. पुढील आठवड्यात बुधवारी (२० नोव्हेंबर) राज्यात विधानसभा निवडणुकीसाठी मतदान होणार असल्याने त्या पूर्ण दिवसातही बाजारात व्यवहार होणार नाहीत.
देशांतर्गत गुंतवणूकदार सरसावले
परदेशी संस्थागत गुंतवणूकदारांनी (एफआयआय) समभाग विक्रीचा मारा सुरू ठेवला आहे. दुसरीकडे मात्र देशांतर्गत गुंतवणूकदार खरेदीसाठी सरसावले आहेत. बुधवारी एफआयआयने २,५०५.५८ कोटी रुपये मूल्याचे समभाग विकले, तर देशांतर्गत संस्थात्मक गुंतवणूकदारांनी त्या तुलनेत तिप्पट म्हणजेच ६,१४५.२४ कोटी रुपयांचे समभाग खरेदी केले. सेन्सेक्समधील आघाडीच्या कंपन्यांमध्ये हिंदुस्तान युनिलिव्हर, एनटीपीसी, नेस्ले, इंडसइंड बँक, पॉवर ग्रिड, अदानी पोर्ट्स, टाटा मोटर्स आणि बजाज फिनसर्व्ह यांच्या समभागांमध्ये घसरण झाली. तर रिलायन्स इंडस्ट्रीज, कोटक महिंद्र बँक, टेक महिंद्र, महिंद्र अँड महिंद्र आणि एचडीएफसी बँकेचे समभाग तेजीत होते.
मुंबई शेअर बाजाराचा निर्देशांक सेन्सेक्स ११०.६४ अंशांनी घसरून ७७,५८०.३१ पातळीवर स्थिरावला. दिवसभरात त्याने २६६.१४ अंश गमावत ७७,४२४.८१ ही सत्रातील नीचांकी पातळी गाठली होती. दुसरीकडे राष्ट्रीय शेअर बाजाराचा निर्देशांक निफ्टीमध्ये २६.३५ अंशांची घसरण झाली. तो २३,५३२.७० अंशांवर स्थिरावला. सलग सहाव्या सत्रात निफ्टीमध्ये घसरण झाली आहे.
हेही वाचा >>> चलनवाढीसह विकासवेग मंदावण्याचा धोका ; शक्तिकांत दास
देशांतर्गत आघाडीवर भांडवली बाजारात निराशाजनक वातावरण असले तरी सत्रांतर्गत अस्थिरता कमी झाली आहे. परदेशी संस्थात्मक गुंतवणूकदारांकडून समभाग विक्री कायम आहे. मात्र सकारात्मक बाब म्हणजे, त्यांचा विक्रीचा माराही कमी झाला असल्याने बाजारातील घसरण मर्यादित राहिली, असे निरीक्षण जिओजित फायनान्शियल सर्व्हिसेसचे संशोधन प्रमुख विनोद नायर यांनी नोंदवले.
आज बाजार-व्यवहार बंद
शुक्रवारी गुरू नानक जयंतीमुळे सार्वजनिक सुट्टी असल्याने मुंबई तसेच राष्ट्रीय अशा दोन्ही शेअर बाजारात व्यवहार होणार नाहीत. पुढील आठवड्यात बुधवारी (२० नोव्हेंबर) राज्यात विधानसभा निवडणुकीसाठी मतदान होणार असल्याने त्या पूर्ण दिवसातही बाजारात व्यवहार होणार नाहीत.
देशांतर्गत गुंतवणूकदार सरसावले
परदेशी संस्थागत गुंतवणूकदारांनी (एफआयआय) समभाग विक्रीचा मारा सुरू ठेवला आहे. दुसरीकडे मात्र देशांतर्गत गुंतवणूकदार खरेदीसाठी सरसावले आहेत. बुधवारी एफआयआयने २,५०५.५८ कोटी रुपये मूल्याचे समभाग विकले, तर देशांतर्गत संस्थात्मक गुंतवणूकदारांनी त्या तुलनेत तिप्पट म्हणजेच ६,१४५.२४ कोटी रुपयांचे समभाग खरेदी केले. सेन्सेक्समधील आघाडीच्या कंपन्यांमध्ये हिंदुस्तान युनिलिव्हर, एनटीपीसी, नेस्ले, इंडसइंड बँक, पॉवर ग्रिड, अदानी पोर्ट्स, टाटा मोटर्स आणि बजाज फिनसर्व्ह यांच्या समभागांमध्ये घसरण झाली. तर रिलायन्स इंडस्ट्रीज, कोटक महिंद्र बँक, टेक महिंद्र, महिंद्र अँड महिंद्र आणि एचडीएफसी बँकेचे समभाग तेजीत होते.
