सेन्सेक्स ९३० अंशांच्या गटांगळीसह दोन महिन्यांच्या नीचांकी

मंगळवारच्या सत्रात समभाग विक्रीच्या माऱ्यामुळे सलग दुसऱ्या सत्रात प्रमुख निर्देशांक १ टक्क्याहून अधिक गडगडले. मुंबई शेअर बाजाराचा निर्देशांक सेन्सेक्स ९३०.५५ अंशांनी म्हणजेच १.१५ टक्क्यांनी घसरून ८०,२२०.७२ पातळीवर स्थिरावला. विद्यमान वर्षात १४ ऑगस्टला नोंदवलेल्या नीचांकी पातळीवर त्याने पुन्हा फेर धरला आहे. दिवसभरात, त्याने १००१.१४ अंश गमावत ८०,४९५.४९ या सत्रातील नीचांकी पातळीला स्पर्श केला होता. दुसरीकडे राष्ट्रीय शेअर बाजाराचा निर्देशांक निफ्टीमध्ये ३०९ अंशांची घसरण झाली तो २४,४७२.१० पातळीवर बंद झाला.

आणखी वाचा

विदर्भात अवकाळी पावसाची शक्यता! किमान तापमानात वाढ

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

मार्केट-वेध : शेअर बाजारात सेन्सेक्सची २२५ अंशांची कमाई; मात्र सत्रारंभीच्या मुसंडीला, दिवसअखेर पुन्हा गळती!

रिझर्व्ह बँकेने व्याजदर कपातीस विलंब केल्यास विकासवेग मंदावेल; फेब्रुवारीमध्ये पाव टक्का कपात अपेक्षित 

घाऊक महागाई वाढली; अन्नधान्यांच्या किमतीमुळे नव्हे तर…; महागाई दर डिसेंबरमध्ये वाढून ….

मुंबई शेअर बाजार हजार अंशांनी कोसळला; डॉलरच्या तुलनेत भारतीय चलन विक्रमी नीचांकावर

विदर्भ, मध्य महाराष्ट्रात दोन दिवस पावसाचा अंदाज; जाणून घ्या, बंगालच्या उपसागरातील वाऱ्याच्या चक्रीय स्थितीचा परिणाम

मुंबई : तापमानात घट होण्याची शक्यता

हेही वाचा >>> Gold & Silver Prices Surge : चांदी लाखमोलाची; सोन्याची आगेकूच सुरूच

कंपन्यांची सरलेल्या दुसऱ्या तिमाहीतील घसरलेली कमाई आणि बिघडलेल्या जागतिक भू-राजकीय स्थितीमुळे गुंतवणूकदारांच्या भावनेवर परिणाम झाला. अमेरिकी रोख्यांवरील वाढते परतावा उत्पन्न आणि चीनच्या धोरणात्मक कृतीमुळे परदेशी गुंतवणूकदार देशांतर्गत भांडवली बाजारातून बाहेर पडत आहेत.

वाढलेल्या अस्थिरतेसह देशांतर्गत बाजारात मंदीच्या भावना कायम राहिल्या, व्यापक बाजाराचे प्रतिनिधित्व करणाऱ्या स्मॉल आणि मिडकॅप कंपन्यांच्या समभागांना सर्वाधिक फटका बसला. अमेरिकी रोख्यांवरील परतावा दर वाढल्याने अमेरिकी मध्यवर्ती बँक – फेडरल रिझर्व्हकडून आक्रमक दर कपातीची शक्यता कमी झाली आहे. ज्यामुळे उदयोन्मुख देशांच्या भांडवली बाजारातील निधी प्रवाहावरही परिणाम झाला आहे. अल्पावधीत, नफावसुली झाल्यामुळे बाजारातील निराशाजनक वातावरणामुळे हा मंदीचा दृष्टिकोन कायम राहू शकतो, असे मत जिओजित फायनान्शियल सर्व्हिसेसचे संशोधनप्रमुख विनोद नायर यांनी व्यक्त केले.

सेन्सेक्समधील आघाडीच्या ३० कंपन्यांमध्ये महिंद्र अँड महिंद्र, स्टेट बँक, पॉवर ग्रिड, टाटा स्टील, इंडसइंड बँक, टाटा मोटर्स, लार्सन ॲण्ड टुब्रो, एनटीपीसी, बजाज फायनान्स आणि रिलायन्स या कंपन्यांच्या समभागांमध्ये गुंतवणूकदारांनी चौफेर विक्रीचा मारा केला. तर या पडझडीत देखील आयसीआयसीआय बँक, नेस्ले आणि इन्फोसिस या कंपन्यांची कामगिरी चमकदार राहिली.

सेन्सेक्स ८०,२२०.७२ -९३०.५५ -१.१५%

निफ्टी २४,४७२.१० – ३०९ -१.२५%

डॉलर ८४.०७ १ पैसा

तेल ७४.७४ ०.६१