Sensex Today: आधी मोठी झेप, आता घसरण; सेन्सेक्स बाजार उघडताच ८४५ अंकांनी कोसळला; Nifty50 ही घसरला!

काय घडलंय गुरुवारी सकाळच्या सत्रात?

गुरुवारी सकाळी शेअर बाजारात व्यवहार सुरू होताच सेन्सेक्स तब्बल ८४५ अंकांनी खाली घसरला. त्यामुळे सकाळच्या सत्रात Sensex चे व्यवहार ८३,४२१.१० अंकांच्या आसपास चालू होते. आजची सेन्सेक्सची घसरण एकूण आकड्याच्या जवळपास १ टक्के असल्याचं दिसून आलं.

नक्की वाचा

Mumbai High Court on Akshay Shinde Encounter Case : “अक्षयने पिस्तुल लोड कशी केली? मी १०० वेळा…”, उच्च न्यायालयातील न्यायमूर्तींनी पोलीस आणि सरकारी वकिलांना सुनावलं!

२ ऑक्टोबर पंचांग: सर्वपित्री अमावस्या कोणासाठी ठरणार शुभ?…

मोदींनी फोन केला होता, पण विनेशनं बोलण्यास नकार दिला; म्हणाली, “त्यांची अट होती की…”

अभिनेता गोविंदाला स्वतःच्याच बंदुकीतून लागली गोळी, पत्नीने दिली प्रकृतीबद्दल माहिती

“मी देश सोडून जायचं ठरवलं होतं, बोलणीही झाली होती पण…”, विनेश फोगटचा धक्कादायक खुलासा!

Ashish Pande : “मराठी माणसाला एक रुपयाचा बिझनेस देणार नाही”, म्हणणाऱ्या टीसी आशिष पांडेचं रेल्वेने केलं निलंबन

चीनमधील ‘या’ अवाढव्य धरणामुळे पृथ्वीचा वेग मंदावला? धरणाचा नेमका परिणाम काय होतोय?

Gold Price High: सोन्याच्या किंमती इतक्या का वाढल्या आहेत? असं अचानक घडलंय तरी काय?

निफ्टीनंही ठेवलं सेन्सेक्सच्या पावलावर पाऊल!

इकडे सेन्सेक्सनं खालचा रस्ता धरल्यानंतर तिकडे निफ्टीनंही आपण सेन्सेक्ससोबतच असल्याचा कित्ता गिरवला. सेन्सेक्सच्या १ टक्क्यापुढे निफ्टीनं १.०५ टक्क्यांची घसरण दाखवत तब्बल २७० अंकांचा उलटा प्रवास करत २५,५५० चा आकडा गाठला.

आगामी दिवसांमध्ये तेजीचा अंदाज?

दरम्यान, आर्थिक वर्षाची दुसरी तिमाही संपली असून कंपन्यांकडून तिमाहीपूर्व अंदाजांसंदर्भात घोषणांची शक्यता वर्तवली जात आहे. या पार्श्वभूमीवर त्याचे पडसाद शेअर बाजारावर दिसण्याचा अंदाज आहे. मात्र, त्याचवेळी अमेरिकेतील आर्थिक स्थिती, नोकरकपात आणि उत्पादन क्षेत्रात वेगाने होणारे बदल, यांचाही परिणाम भारतीय बाजारपेठेवर होणार असल्याचं बोललं जात आहे. यामध्ये आयटी आणि बँकिंग क्षेत्राच्या कामगिरीवर विशेष लक्ष असेल.

अमेरिकी बाजारपेठेत काय स्थिती?

अमेरिकेतील शेअर बाजारात परिस्थिती फारशी उत्साहवर्धक नसली तरी टेक क्षेत्रातील कंपन्यांच्या शेअर्सनं तेथील बाजारपेठेला मदतीचा हात दिल्याचं दिसत आहे. तिकडे जपानमध्ये नवीन पंतप्रधानांनी तेथील चलनाबाबत नोंदवलेल्या निरीक्षणांनंतर स्थानिक बाजारपेठेत शेअर्सचे दर वाढल्याचं पाहायला मिळालं. मात्र, मध्य-पूर्व आशियातील देशांमध्ये सध्या तणावपूर्ण स्थिती असल्यामुळे त्याचा परिणाम कच्च्या तेलाच्या किंमतींवर झाल्याचं दिसून येत आहे.