दिवाळखोर ‘गो फर्स्ट’च्या खरेदीसाठी स्पाइसजेट इच्छुक

विशेष इंजिन पुरवठादार प्रॅट अँड व्हिटनी (पी अँड डब्ल्यू) या कंपनीने अपेक्षेप्रमाणे इंजिनचा पुरवठा न केल्यामुळे या विमानसेवेच्या ताफ्यातील निम्म्याहून अधिक म्हणजे २८ विमाने जमिनीला खिळलेली आहेत आणि प्रचंड आर्थिक नुकसान सोसावे लागले. गो फर्स्टच्या प्रवर्तकांनी गेल्या तीन वर्षांत या विमानसेवेमध्ये ३,२०० कोटी रुपयांचा भरीव निधी ओतल्यानंतरही हे पाऊल उचलणे कंपनीला अपरिहार्य पडले आहे. विमानसेवेला तिच्या ताफ्यातील एअरबस ए३२० निओ विमानांपैकी जवळपास ५० टक्के विमाने ही प्रॅट अँड व्हिटनीच्या इंजिनांतील ‘क्रमिक सदोषते’मुळे उड्डाणासाठी न वापरता जमिनीला खिळून ठेवावी लागली आहेत. इंजिनातील सदोषतेमुळे गमावला गेलेला महसूल आणि अतिरिक्त खर्चामुळे गो फर्स्टला सुमारे १०,८०० कोटी रुपयांनी नुकसान झाले आहे.दिवसअखेर मुंबई शेअर बाजारात स्पाइसजेटचा समभाग २.९१ टक्क्यांनी वधारून ६६.०८ रुपयांवर बंद झाला.