Success Story Mukesh Jagtiani : यश कधीच कोणाला सहजनेते मिळत नाही. त्यासाठी प्रयत्नांची पराकाष्ठा करावी लागते. विशेष म्हणजे यशस्वी व्यक्तींच्या मागे त्यांची दिवसरात्र केलेली मेहनत असते. मुकेश जगतियानी यांचीही अशीच गोष्ट आहे, ज्यांनी आपल्या परिश्रम आणि संयमाच्या बळावर श्रीमंत होण्याची किमया साधलीय.
मुकेश जगतियानी शिक्षणासाठी लंडनला गेले, मात्र आर्थिक संकटामुळे त्यांनी उदरनिर्वाहासाठी टॅक्सी चालवण्यास सुरुवात केली. यादरम्यान मुकेश यांनी काही काळ टॅक्सी चालवली. त्यानंतर टॅक्सीच्या उत्पन्नातून व्यवसाय सुरू करण्याचा विचार केला आणि लँडमार्क ग्रुपची स्थापना केली. आज मुकेश हे संयुक्त अरब अमिराती (UAE) मधील सर्वात श्रीमंत भारतीयांपैकी एक आहेत.
हेही वाचाः Artificial Intelligence च्या मदतीने ३२ वर्षांचा मुलगा झाला अब्जाधीश; कमावली ७,८२६ कोटींची संपत्ती
मुकेश जगतियानी यांचे बालपण
मुकेश जगतियानी यांनी लहानपणीच आपले आई-वडील गमावले होते आणि नंतर त्यांच्या भावाच्या मृत्यूने त्यांचे खूप हाल झाले. दरम्यान, घराच्या जबाबदारीमुळे भावाचे दुकान सांभाळण्यासाठी मुकेश यांना १९७३ साली बहारीनला पाठवण्यात आले. तिकडे त्यांनी आपल्या भावाच्या दुकानाचे रूपांतर खेळण्यांच्या दुकानात केले आणि नंतर आणखी ६ दुकाने उघडली.
हेही वाचाः अदाणी फाऊंडेशन मेटाव्हर्सच्या माध्यमातून कौशल्य शिकवणार, विद्यार्थ्यांना मिळणार आभासी अनुभव
लँडमार्क ग्रुप काय करतो?
लँडमार्क ग्रुप अनेक क्षेत्रात काम करतो. आजच्या काळात ते फॅशन, इलेक्ट्रॉनिक्स, फर्निचर आणि हॉटेल्स यांसारख्या क्षेत्रांमध्ये पसरलेले आहे. मुकेशचा बहुतांश व्यवसाय मध्य पूर्व आणि दक्षिण पूर्व आशियामध्ये पसरलेला आहे. फोर्ब्सनुसार, आजच्या काळात मुकेश यांची एकूण संपत्ती ५.२ अब्ज डॉलर्स म्हणजेच सुमारे ४५ हजार कोटी रुपये आहे. मुकेश जगतियानी यांची पत्नी रेणुका जगतियानी सध्या कंपनी चालवत आहे.
