वृत्तसंस्था , नवी दिल्ली
देशातील आघाडीची मोटार उत्पादक कंपनी मारुती सुझुकी इंडियाकडून गुजरातमधील उत्पादन प्रकल्प विकत घेण्यासाठी सुझुकी मोटर कॉर्पोरेशनला १२ हजार ८४१ कोटी रुपयांचे (१.५४ अब्ज डॉलर) समभाग दिले जाणार आहेत. मारुतीकडून पहिल्यांदाच गुजरातमधील प्रकल्पाचे मूल्य जाहीर करण्यात आले आहे.
मारुतीने जुलै महिन्यात गुजरातमधील उत्पादन प्रकल्प पालक कंपनीकडून खरेदी करण्याचे जाहीर केले होते. मारुतीकडून सुझुकीला प्रत्येकी १० हजार ४२० रुपये किमतीचे १.२३ कोटी समभाग दिले जाणार आहेत. सोमवारी बाजार बंद होताना असलेल्या समभागाच्या भावात २.७ टक्के सवलतीत ते दिले जातील. या व्यवहारानंतर मारुतीमध्ये सुझुकीचा हिस्सा ५८.१९ टक्क्यांवर जाणार आहे. सध्या तो हिस्सा ५६.४८ टक्के आहे.
हेही वाचा… तीन सरकारी कंपन्यांना केंद्राकडून टाळे ?
सुझुकीने २०१४ पासून उत्पादन प्रकल्पात १८ हजार कोटी रुपयांची गुंतवणूक केली आहे. हा प्रकल्प २०१७ पासून सुरू झाला असून, त्याची ७ लाख ५० हजार मोटारींची वार्षिक उत्पादन क्षमता आहे. उत्पादन प्रकल्प पूर्णपणे ताब्यात आल्यानंतर उत्पादनावरील पकड आणखी चांगली होईल, असे मारुतीने म्हटले आहे. याचबरोबर मागणीनुसार उत्पादनात बदल करण्यात कंपनीला मदत होईल.
पहिली ‘ई-एसयूव्ही’ याच प्रकल्पातून
मारुतीकडून पहिली इलेक्ट्रिक स्पोर्ट युटिलिटी व्हेईकल गुजरातमधील प्रकल्पात उत्पादित केली जाणार आहे. कंपनीने सहा मॉडेल २०३० पर्यंत बाजारात आणण्याचे उद्दिष्ट ठेवले आहे. ही सर्व मॉडेल गुजरातमधील प्रकल्पात उत्पादित केली जाणार आहेत.
देशातील आघाडीची मोटार उत्पादक कंपनी मारुती सुझुकी इंडियाकडून गुजरातमधील उत्पादन प्रकल्प विकत घेण्यासाठी सुझुकी मोटर कॉर्पोरेशनला १२ हजार ८४१ कोटी रुपयांचे (१.५४ अब्ज डॉलर) समभाग दिले जाणार आहेत. मारुतीकडून पहिल्यांदाच गुजरातमधील प्रकल्पाचे मूल्य जाहीर करण्यात आले आहे.
मारुतीने जुलै महिन्यात गुजरातमधील उत्पादन प्रकल्प पालक कंपनीकडून खरेदी करण्याचे जाहीर केले होते. मारुतीकडून सुझुकीला प्रत्येकी १० हजार ४२० रुपये किमतीचे १.२३ कोटी समभाग दिले जाणार आहेत. सोमवारी बाजार बंद होताना असलेल्या समभागाच्या भावात २.७ टक्के सवलतीत ते दिले जातील. या व्यवहारानंतर मारुतीमध्ये सुझुकीचा हिस्सा ५८.१९ टक्क्यांवर जाणार आहे. सध्या तो हिस्सा ५६.४८ टक्के आहे.
हेही वाचा… तीन सरकारी कंपन्यांना केंद्राकडून टाळे ?
सुझुकीने २०१४ पासून उत्पादन प्रकल्पात १८ हजार कोटी रुपयांची गुंतवणूक केली आहे. हा प्रकल्प २०१७ पासून सुरू झाला असून, त्याची ७ लाख ५० हजार मोटारींची वार्षिक उत्पादन क्षमता आहे. उत्पादन प्रकल्प पूर्णपणे ताब्यात आल्यानंतर उत्पादनावरील पकड आणखी चांगली होईल, असे मारुतीने म्हटले आहे. याचबरोबर मागणीनुसार उत्पादनात बदल करण्यात कंपनीला मदत होईल.
पहिली ‘ई-एसयूव्ही’ याच प्रकल्पातून
मारुतीकडून पहिली इलेक्ट्रिक स्पोर्ट युटिलिटी व्हेईकल गुजरातमधील प्रकल्पात उत्पादित केली जाणार आहे. कंपनीने सहा मॉडेल २०३० पर्यंत बाजारात आणण्याचे उद्दिष्ट ठेवले आहे. ही सर्व मॉडेल गुजरातमधील प्रकल्पात उत्पादित केली जाणार आहेत.
