टाटा मोटर्सपुढे ‘मारुती’ पिछाडीवर; सर्वाधिक बाजार मूल्यांकन असलेल्या वाहन निर्माता कंपनीचा बहुमान

हेही वाचा >>> महारेराचे नवीन संकेतस्थळ अंतिम टप्प्यात; फेब्रुवारी अखेर कार्यान्वित होण्याची शक्यता

जेएलआरचे मोलाचे योगदान

जग्वार लँड रोव्हर इंडियाने चालू आर्थिक वर्षातील पहिल्या सहामाहीत २,३५६ मोटारींची विक्री केली असून, टाटा मोटर्सच्या कामगिरीत तिच्या मालकीच्या  जग्वार लँड रोव्हर इंडियाची या कंपनीची आतापर्यंतची उच्चांकी कामगिरीचे सर्वाधिक योगदान राहिले आहे. या कंपनीने चालू आर्थिक वर्षातील पहिल्या सहामाहीत २,३५६ मोटारींची विक्री केली आहे. टाटा मोटर्सच्या नवीन प्रवासी  वाहनांची, मुख्यतः इलेक्ट्रिक वाहनांची विक्री कामगिरीही सरलेल्या वर्षभरात लक्षणीय सुधारली आहे.  
कंपनीने मागील आर्थिक वर्षात एप्रिल ते सप्टेंबर या सहामाहीत १,१९४ मोटारींची विक्री केली होती. तर मागील वर्षीच्या तुलनेत दुसऱ्या तिमाहीत विक्रीत १०८ टक्के वाढ झाली असून, १,३०८ मोटारींची विक्री झाली आहे. कंपनीने मागील वर्षीच्या तुलनेत पहिल्या तिमाहीत मोटारींच्या विक्रीत १०२ टक्के वाढ नोंदविली होती. याबाबत कंपनीचे व्यवस्थापकीय संचालक राजन अंबा म्हणाले की, आमच्याकडे मागणीत सातत्याने वाढ होत आहे. त्यातून आमच्या नाममुद्रेची बाजारपेठेतील वाढती ताकद समोर आली असून, ग्राहकांच्या मनातही आमची उत्पादने घर करीत आहेत.