टाटांच्या टेक कंपनीला गुंतवणूकदारांचं भरभरून प्रेम, १ लाख कोटींहून अधिकच्या बोली

एक लाख कोटींची बोली

टाटा टेकचा आयपीओ ३ हजार कोटी रुपयांचा आहे. तर गुंतवणूकदारांनी या IPOमध्ये भरपूर पैशांची बोली लावली आहे. ३ हजार कोटी रुपयांच्या IPOने १ लाख कोटींहून अधिक मूल्याच्या समभागांसाठीची मागणी मिळवली. या IPO ची इश्यू किंमत ४८५ ते ५०० रुपये आहे. आज अर्जाचा शेवटचा दिवस होता. या IPO च्या प्रचंड मागणीमुळे संस्थात्मक गुंतवणूकदारांनी ६६००० कोटी रुपयांच्या बोली लावल्या आहेत. याचा अर्थ कंपनीला QIB कडून IPO मध्ये जास्तीत जास्त सबस्क्रिप्शन मिळाले आहे.

आणखी वाचा

Success Story : तब्बल नऊ वेळा अपयश येऊनही न खचता प्रयत्नांची शिकस्त; आज करोडोच्या कंपनीचे मालक

Madhuri Dixit : डर चित्रपट माधुरी दीक्षितने का…

सप्ताहाभरात गुंतवणूकदारांना १८ लाख कोटी रुपयांचा फटका ; ‘सेन्सेक्स’ची ११ शतकी घसरण

रिट्स, इन्व्हिट्सना असूचिबद्ध कंपन्यांत गुंतवणुकीस मुभा

परदेशी गुंतवणूकदारांच्या विक्रीने ‘सेन्सेक्स’ला पाच शतकी झळ

परकीय गुंतवणूकदारांकडून खरेदीला पुन्हा जोम; वर्षसांगतेला बाजाराला ‘सांता’तेजीची झळाळी शक्य

उद्योगविश्वाचा कणा असलेल्या बड्या उद्योगसमूहात गुंतवणुकीची संधी; आदित्य बिर्ला सन लाइफ म्युच्युअल फंडाचा ‘काँग्लोमरेट फंड’ दाखल

बाजारातील माणसं – पैशाची गुलामी झुगारणारा गुंतवणूकपंथ : वाहेई टाकाडा

हेही वाचाः मोठी बातमी! RBI ने अभ्युदय सहकारी बँकेचे संचालक मंडळ १२ महिन्यांसाठी केले बरखास्त, ग्राहकांवर काय परिणाम?

८० टक्क्यांहून अधिक प्रीमियम

या कंपनीचा आयपीओ ज्या प्रकारे ब्लॉकबस्टर ठरला आहे. तशाच प्रकारे कंपनीच्या लिस्टिंगमुळेही धमाका होऊ शकतो. तज्ज्ञांच्या मते, कंपनीच्या शेअर्सची किंमत ८० टक्क्यांपेक्षा जास्त प्रीमियमवर असू शकते. असे झाल्यास कंपनीचे शेअर्स लिस्टिंग दरम्यान ९०० रुपयांच्या वर जाण्याची शक्यता आहे. खरं तर ते खूप आश्चर्यकारक मानले जाईल. मात्र, या कंपनीच्या शेअर्सची मागणी नॉन लिस्टिंग कंपन्यांमध्ये सर्वाधिक आहे. ग्रे मार्केट प्रीमियम ९०० रुपयांपेक्षा जास्त असल्याचे सांगितले जाते. तज्ज्ञांच्या मते, कंपनीचे शेअर्स १००० रुपयांमध्येही लिस्ट केले जाऊ शकतात. गुंतवणूकदार या कंपनीच्या शेअर्सची बऱ्याच दिवसांपासून वाट पाहत होते.

हेही वाचाः Money Mantra : ‘टाटा टेक्नॉलॉजी’च्या पब्लिक इश्यूचे महत्त्व

फेडबँक वगळता सर्वत्र चांगला प्रतिसाद

टाटा व्यतिरिक्त इतर कंपन्यांचे आयपीओही आले आहेत. पण Fedbank Finance चा आयपीओ सोडून इतर आयपीओंना चांगला प्रतिसाद मिळत असल्याचे दिसते आहे. इतर चारही आयपीओंना चांगला प्रतिसाद मिळाला आहे. Tata Technologies साठी आतापर्यंत एकूण सदस्यता मागणी सुमारे ७० पट आहे. फ्लेअर रायटिंग इंडस्ट्रीजच्या ५९३ कोटी रुपयांच्या आयपीओसाठी किरकोळ गुंतवणूकदारांसाठी राखीव ठेवण्यात आलेल्या हिश्शामध्ये सुमारे १३.७३ पट भरणा झाला आहे.