टाटांची टायटन आता ‘या’ कंपनीतील २७ टक्के भागभांडवल ४६०० कोटींना विकत घेणार, अधिग्रहण ऑक्टोबरपर्यंत पूर्ण होण्याची अपेक्षा

३१ ऑक्टोबर २०२३ पर्यंत कॅरेटलेनचे संपादन पूर्ण करण्याची टायटनची अपेक्षा आहे. हे भारतीय स्पर्धा आयोगाकडून (CCI) आवश्यक असलेल्या नियामक मंजुरीच्या अधीन आहे. कंपनीने बीएसई फायलिंगमध्ये ही माहिती दिली आहे. टायटनने ४६२१ कोटी रुपयांना अतिरिक्त २७.१८ टक्के हिस्सा खरेदी करण्याचा निर्णय घेतला आहे. यानंतर कॅरेटलेनमध्ये टायटनची हिस्सेदारी ९८.२८ टक्के झाली आहे.

हेही वाचाः Money Mantra : RBI ने कर्ज खात्यांवरील दंडाच्या नियमात केले बदल, आता बँकांना मनमानीपणा करता येणार नाही

कॅरेटलेन काय करते?

कॅरेटलेन हा पूर्णपणे ऑनलाइन दागिन्यांचा ब्रँड आहे. जो फक्त ऑनलाइन व्यवसाय करतो. कंपनी परवडणाऱ्या दागिन्यांवर लक्ष केंद्रित करते. टायटनने २०१६ मध्ये कॅरेटलेनमध्ये गुंतवणूक करण्यास सुरुवात केली. भागीदारीच्या गेल्या आठ वर्षांमध्ये टायटनच्या ज्वेलरी ब्रँड तनिष्क कॅरेटलेनमध्ये प्रचंड वाढ झाली आहे.

हेही वाचाः आता सिमकार्डची पडताळणी न केल्यास १० लाखांचा दंड ठोठावला जाणार, मोदी सरकारने नियम बदलले

टायटन व्यवसाय

टायटन हा टाटा समूह आणि तामिळनाडू औद्योगिक विकास महामंडळ (TIDCO) यांचा संयुक्त उपक्रम आहे. कंपनी तनिष्क, मिया, झोया आणि कॅरेटलेन हे ब्रँड चालवते. १९८७ मध्ये टायटनला घड्याळाचा ब्रँड म्हणून ओळख मिळाली. १९९४ मध्ये टायटनने तनिष्क हा ज्वेलरी ब्रँड लॉन्च केला. टायटनने मार्च २०२३ मध्ये ३१,८९७ कोटी रुपयांचे उत्पन्न नोंदवले होते. कंपनीच्या एकूण उलाढालीत हे प्रमाण ८८ टक्के आहे.