टीसीएसचा नफा मार्च तिमाहीत १४.८ टक्के वाढीसह ११,३९२ कोटींवर

मुंबई: देशातील सर्वात मोठी माहिती-तंत्रज्ञान कंपनी टाटा कन्सल्टन्सी सर्व्हिसेसचा (टीसीएस) एकत्रित निव्वळ नफा सरलेल्या जानेवारी-मार्च तिमाहीत १४.८ टक्के वाढीसह ११,३९२ कोटी रुपयांवर पोहोचल्याचे कंपनीकडून बुधवारी जाहीर करण्यात आले. कंपनीने वर्षभरापूर्वी याच तिमाहीत ९,९५९ कोटी रुपयांचा करोत्तर निव्वळ नफा नोंदविला होता. टीसीएसच्या या सरस कामगिरीतून, मार्च तिमाहीच्या निकाल हंगामाला दमदार सुरुवात झाली आहे.

आणखी वाचा

अमेरिकी महागाई दराच्या प्रतीक्षेत निर्देशांकात नगण्य वाढ

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

नाशिक : आवक वाढल्याने कांद्याची घसरण

कोकेनसह अवैध वस्तूंच्या तस्करीसाठी केसांचे विग अन् पुस्तकांचा वापर; भारतात तस्करीत वाढ होण्यामागील कारणे काय?

४०,००० हून अधिक भारतीयांना अटक; अमेरिका-कॅनडा सीमेवर बेकायदा मार्गाने घुसखोरी वाढली, कारण काय?

महागाईचे चटके वाढणार; रिझर्व्ह बँकेचा चालू आर्थिक वर्षासाठी ४.९ टक्क्यांचा अंदाज

विश्लेषण : ‘बिटकॉइन’ पोहोचले १ लाख डॉलरवर… का आणि कसे? भारतात मान्यता मिळेल?

‘बिटकॉइन’ तेजीचे १ लाख डॉलरचे शिखर

बाजार भांडवलानुसार, देशातील सर्वात मोठ्या तंत्रज्ञान कंपनीच्या महसुलात १६.९ टक्क्यांची वाढ झाली असून, तो ५९,१६२ कोटी रुपयांवर पोहोचला आहे. जो गेल्या वर्षी याच तिमाहीत ५०,५९१ कोटी रुपये होता.

आणखी वाचा-‘एलआयसी’चा अदानी समूहावरील विश्वास कायम; तिमाहीत चार कंपन्यांमधील गुंतवणुकीत भर

कंपनीने दिलेल्या माहितीनुसार, युरोपीय देशांमधून मिळणाऱ्या महसुलाचा एकूण महसुलात १७ टक्के वाटा राहिला. तर सरलेल्या तिमाहीत कंपनीच्या सेवांसाठी १० अब्ज डॉलर मूल्याची मागणी नोंदवण्यात आली. तर आर्थिक वर्ष २०२२-२३ साठी एकूण करार मूल्यानुसार त्याचे मूल्य ३४ अब्ज डॉलर होते. कंपनीच्या संचालक मंडळाने प्रति समभाग २४ रुपयांचा अंतिम लाभांश जाहीर केला आहे.

सरलेल्या आर्थिक वर्षांची अखेर अतिशय दमदारपणे झाली असून कंपनीच्या सर्वच विभागांची कामगिरी चांगली राहिली, असे टीसीएसचे मुख्याधिकारी आणि व्यवस्थापकीय संचालक राजेश गोपीनाथन म्हणाले. जागतिक पातळीवर अस्थिरता असली तरी कंपनीने नवीन मागणी व कार्यादेशात वाढ नोंदवली आहे. येत्या काही महिन्यांत टीसीएसच्या नेतृत्वातील बदल अतिशय सुरळीतपणे पार पडेल. तसेच आगामी काळात कंपनी विविध क्षेत्रांत नवीन संधी मिळविण्यासाठी प्रयत्नशील राहील, असेही ते म्हणाले.

आणखी वाचा- मोठ्या खासगी बँकेने FD वरचे व्याज वाढवले, जाणून घ्या नवे दर

येत्या १ जूनपासून खांदेपालट

के. कृतीवासन येत्या १ जूनपासून व्यवस्थापकीय संचालक आणि मुख्य कार्यकारी अधिकारीपदाचा कार्यभार विद्यमान मुख्याधिकारी राजेश गोपीनाथन यांच्याकडून औपचारिकपणे स्वीकारतील, असे कंपनीने एका निवेदनाद्वारे स्पष्ट केले.

तिमाहीत केवळ ८२१ कर्मचाऱ्यांची भरती

कंपनीने सरलेल्या तिमाहीत केवळ ८२१ नवीन कर्मचारी जोडले आहेत. त्यासह कंपनीतील एकूण कर्मचाऱ्यांची संख्या आता ६,१४,७९५ वर पोहोचली आहे. वार्षिक ५ लाखांहून अधिक वेतनश्रेणी असलेल्या कर्मचारी संख्या असलेली ही खासगी क्षेत्रातील सर्वात मोठी कंपनी आहे.