लोकसत्ता व्यापार प्रतिनिधी
मुंबई: जेएसडब्ल्यू समूहाचा हिस्सा असलेल्या जेएसडब्ल्यू इन्फ्रास्ट्रक्चर कंपनीची प्रारंभिक समभाग विक्री (आयपीओ) २५ सप्टेंबरपासून खुली होत आहे. या माध्यमातून २,८०० कोटी रुपयांचा निधी उभारला जाणार असून, कंपनीने प्रति समभाग ११३ ते ११९ रुपये किंमतपट्टा निश्चित करण्यात आला आहे.
ही समभाग विक्री २५ सप्टेंबरला खुली होईल आणि ती २७ सप्टेंबरला बंद होईल. गुंतवणूकदार किमान १२६ समभागांसाठी आणि त्यानंतर १२६ समभागांच्या पटीत बोली लावू शकतील. या माध्यमातून मिळणाऱ्या निधीतून कंपनी कर्जफेडीसाठी ८८० कोटी रुपये, एलपीजी टर्मिनल प्रकल्पाच्या भांडवली खर्चासाठी ८६५ कोटी रुपये, वीज उपकेंद्र उभारणीसाठी ५९ कोटी रुपये, ड्रेजरची खरेदी आणि उभारणीसाठी १०३ कोटी रुपये, मंगळूरु कंटेनर टर्मिनलच्या विस्तारासाठी १५१ कोटी रुपये खर्च करणार आहे.
हेही वाचा… गोयल सॉल्ट ‘आयपीओ’द्वारे १८.१६ कोटी उभारणार!
कोकणात जयगड बंदर, मूरगाव (गोवा) बंदर सांभाळत असलेली जेएसडब्ल्यू इन्फ्रास्ट्रक्चर ही बंदराशी निगडित पायाभूत सुविधा उभी करणारी कंपनी आहे. कंपनीकडून जलवाहतुकीशी निगडित सेवा दिल्या जातात. त्यात मालाची हाताळणी, साठवणूक यासह इतर सेवांचा समावेश आहे. कंपनीची माल हाताळणीची वार्षिक क्षमता यंदा ३० जूनअखेरीस १५.८४ कोटी टन होती.
मुंबई: जेएसडब्ल्यू समूहाचा हिस्सा असलेल्या जेएसडब्ल्यू इन्फ्रास्ट्रक्चर कंपनीची प्रारंभिक समभाग विक्री (आयपीओ) २५ सप्टेंबरपासून खुली होत आहे. या माध्यमातून २,८०० कोटी रुपयांचा निधी उभारला जाणार असून, कंपनीने प्रति समभाग ११३ ते ११९ रुपये किंमतपट्टा निश्चित करण्यात आला आहे.
ही समभाग विक्री २५ सप्टेंबरला खुली होईल आणि ती २७ सप्टेंबरला बंद होईल. गुंतवणूकदार किमान १२६ समभागांसाठी आणि त्यानंतर १२६ समभागांच्या पटीत बोली लावू शकतील. या माध्यमातून मिळणाऱ्या निधीतून कंपनी कर्जफेडीसाठी ८८० कोटी रुपये, एलपीजी टर्मिनल प्रकल्पाच्या भांडवली खर्चासाठी ८६५ कोटी रुपये, वीज उपकेंद्र उभारणीसाठी ५९ कोटी रुपये, ड्रेजरची खरेदी आणि उभारणीसाठी १०३ कोटी रुपये, मंगळूरु कंटेनर टर्मिनलच्या विस्तारासाठी १५१ कोटी रुपये खर्च करणार आहे.
हेही वाचा… गोयल सॉल्ट ‘आयपीओ’द्वारे १८.१६ कोटी उभारणार!
कोकणात जयगड बंदर, मूरगाव (गोवा) बंदर सांभाळत असलेली जेएसडब्ल्यू इन्फ्रास्ट्रक्चर ही बंदराशी निगडित पायाभूत सुविधा उभी करणारी कंपनी आहे. कंपनीकडून जलवाहतुकीशी निगडित सेवा दिल्या जातात. त्यात मालाची हाताळणी, साठवणूक यासह इतर सेवांचा समावेश आहे. कंपनीची माल हाताळणीची वार्षिक क्षमता यंदा ३० जूनअखेरीस १५.८४ कोटी टन होती.
