सोन्याला सार्वकालिक उच्चांकी झळाळी; दिल्लीतील सराफा बाजारपेठेत भाव ७७ हजार ८५० रुपयांवर

ऑल इंडिया सराफा असोसिएशनने दिलेल्या माहितीनुसार, जागतिक बाजारपेठेतील तेजीमुळे देशांतर्गत बाजारपेठेत सोने आणि चांदीच्या भावात तेजी दिसून आली. सराफांकडून वाढलेली खरेदीही सोन्याच्या भावात वाढ होण्यास कारणीभूत ठरली. दिल्लीत २४ कॅरेट सोन्याचा भाव मंगळवारी (ता.२४) प्रति १० ग्रॅमला ७६ हजार ९५० रुपये होता. हा भाव बुधवारी ९०० रुपयांनी वाढून ७७ हजार ८५० रुपयांवर पोहोचला.

नक्की वाचा

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

२६ सप्टेंबर पंचांग: दिवसाच्या सुरुवातीला ‘या’ राशींना होणार…

Bengaluru Murder : महालक्ष्मी हत्या प्रकरणातील संशयित आरोपीची आत्महत्या, सुसाईड नोटमध्ये गुन्ह्याची कबुली

Kirit Somaiya : “मला न विचारताच घोषणा”, किरीट सोमय्यांनी भाजपाचा आदेश धुडकावला; म्हणाले, “पुन्हा अशी वागणूक…”

IPS Shivdeep Lande Resign : आयपीएस अधिकारी शिवदीप लांडे यांचा तडकाफडकी राजीनामा; कारण काय?

Sharad Pawar : “गृहविभागाने दाखवलेला हलगर्जीपणा…”, अक्षय शिंदे चकमकीत ठार झाल्यानंतर शरद पवारांची प्रतिक्रिया

Nitin Gadkari : १९०० कोटींमध्ये रस्ता बांधून ८००० कोटी टोल का वसूल केला? नितीन गडकरींना थेट प्रश्न, हिशेब सांगत म्हणाले…

Akshay Shinde Encounter: अक्षय शिंदेवर गोळी झाडणारा पोलीस अधिकारी कोण? चकमकफेम प्रदीप शर्मांबरोबर केलं होतं काम

वस्तू वायदा बाजार मंच ‘एमसीएक्स’वर सोन्याचा भाव प्रति १० ग्रॅमला ९९७ रुपये म्हणजेच १.३३ टक्क्याने वाढून ७६ हजार रुपयांवर पोहोचला. याच वेळी चांदीचा भाव प्रतिकिलोला ४१९ रुपये म्हणजेच ०.४५ टक्क्याने वाढून ९१ हजार ९७४ रुपयांवर गेला. जागतिक धातू वायदे मंच ‘कॉमेक्स’वर सोन्याचा भाव प्रतिऔंस २ हजार ६८१ डॉलरवर पोहोचला आहे. ‘कॉमेक्स’वर आज दिवसभरात सोन्याच्या भावाने २ हजार ६९४ डॉलरची उच्चांकी पातळी गाठली होती.

हेही वाचा >>>सेन्सेक्स ८५ हजारांच्या शिखरावरून माघारी

याबाबत मोतीलाल ओसवाल फायनान्शियल सर्व्हिसेसचे वरिष्ठ विश्लेषक मानव मोदी म्हणाले की, सोन्याच्या भावाने देशांतर्गत आणि आंतरराष्ट्रीय बाजारपेठेत उच्चांकी पातळी गाठली आहे. अमेरिकेतील व्याजदर कपातीबाबत सकारात्मकता कायम असल्याने सोन्याकडे गुंतवणूकदारांचा कल वाढला आहे. वाढत्या भू-राजकीय तणावामुळे गुंतवणुकीचा सुरक्षित पर्याय असलेल्या सोन्याकडे गुंतवणूकदार आकर्षित होण्याचे प्रमाण वाढत आहे.

नजीकच्या काळात आंतरराष्ट्रीय बाजारपेठेत सोन्याचा भाव प्रति औंस ३ हजार २०० डॉलरपर्यंत जाण्याचा अंदाज आहे. सोन्याने वायदे बाजारात प्रति १० ग्रॅमला ७६ हजार रुपयांची पातळीही गाठली आहे. आगामी काळात सोन्याच्या भावातील तेजी कायम राहील.- सुरेंद्र मेहता, राष्ट्रीय सचिव, इंडियन बुलियन अँड ज्वेलर्स असोसिएशन (आयबीजेए)