बीएसएनएलची सरशी; जिओ, एअरटेल, व्होडा-आयडियाने १ कोटी गमावले

टेलिकॉम रेग्युलेटरी अथॉरिटी ऑफ इंडियाच्या (ट्राय) आकडेवारीनुसार, रिलायन्स जिओने ऑगस्ट महिन्याच्या तुलनेत सप्टेंबर २०२४ मध्ये ७९.६९ लाख ग्राहक गमावले आहेत. यासह रिलायन्स जिओचे वायरलेस ग्राहकांची संख्या सप्टेंबरमध्ये ४६.३७ कोटी आहे. जिओ खालोखाल व्होडाफोन आयडियाने १५.५३ लाख आणि भारती एअरटेलला १४.३४ लाख ग्राहक सोडून गेले आहेत. याकाळात बीएसएनएलने ८.४९ लाख नवीन ग्राहक जोडले आहेत. तर भारती एअरटेल आणि व्होडाफोन आयडियाचे सप्टेंबर अखेर ३८.३४ कोटी आणि २१.२४ कोटी ग्राहक होते. सप्टेंबरमध्ये बीएसएनएलच्या ग्राहकांची संख्या एकूण संख्या ९.१८ कोटी झाली आहे.

आणखी वाचा

सरकारी बँकांना सहामाहीत ८६ हजार कोटींचा निव्वळ नफा

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

मुंबई : वाहनावरील कारवाई टाळण्यासाठी परिवहन अधिकाऱ्याचा मोबाइलच पळवला

पीएनबी गैरव्यवहार प्रकरणः मेहूल चोक्सीविरोधात ईडीची मोठी कारवाई, १२५ कोटींच्या मालमत्ता फसवणूक झालेल्या बँकांना सुपूर्त करण्याच्या प्रक्रियेला सुरूवात

Spam Fighting Solution :Airtel चं पहिलं AI नेटवर्क सोल्युशन! सर्वाधिक स्पॅम कॉल, मॅसेज मुंबई आणि दिल्लीमध्येच; वाचा, सविस्तर रिपोर्ट

नाशिक विभागात एसटी अपघातांचा उंचावता आलेख; नऊ महिन्यांत बसचे १२० अपघात, २२ जणांचा मृत्यू

पीएमपी तिकीट दरवाढीचे भवितव्य, ‘दादांच्या ‘ हाती, काय निर्णय घेणार ?

डोंबिवलीत मालमत्ता कर थकबाकीदारांच्या गाळ्यांना टाळे

हेही वाचा : अदानींवर डॉलरमधील रोखे विक्री गुंडाळण्याची नामुष्की, ‘वेदान्त’ची योजनाही बारगळली

दरवाढीमुळे फटका

खासगी दूरसंचार कंपन्यांनी जुलैमध्ये मोबाइलच्या दरात प्रत्येकी १० टक्के ते २७ टक्क्यांची वाढ केली होती. परिणामी ग्राहकांच्या महिन्याकाठी दूरसंचार सेवेवर होणाऱ्या खर्चात मोठी वाढ झाली आहे. यामुळे दूरसंचार कंपन्यांच्या प्रतिमाणसी महसुलात वाढ होणार आहे. मात्र सरकारी कंपनी बीएसएनएलने प्रतिस्पर्ध्यांच्या पावलावर पाऊल ठेवण्याचे टाळत दरवाढ केली नाही. शिवाय दरात कोणतीही वाढ होणार नसल्याचे बीएसएनएलचे अध्यक्ष आणि व्यवस्थापकीय संचालक रॉबर्ट रवी यांनी ऑक्टोबर महिन्यात स्पष्ट केले.