ट्रक चालकांच्या संपामुळे महागाई वाढणार; ३ दिवसांत ‘एवढ्या’ कोटींचे नुकसान होण्याची शक्यता

४५० कोटींचे नुकसान

परिवहन मंडळाच्या म्हणण्यानुसार, एक दिवसाच्या संपामुळे १२० ते १५० कोटी रुपयांच्या व्यवसायावर परिणाम झाला आहे. अशा स्थितीत ३ दिवसांच्या संपामुळे ४५० कोटी रुपयांचे नुकसान होण्याची शक्यता आहे. या संपामुळे देशभरात महागाई वाढण्याचा धोका वाढला आहे. लोकांना पेट्रोल आणि डिझेलची चिंता वाटू लागली आहे. ट्रक हे वाहतुकीचे एक असे माध्यम आहे, ज्याद्वारे फळे आणि भाजीपाल्यापासून सर्व जीवनावश्यक वस्तू एका राज्यातून दुसऱ्या राज्यात नेल्या जातात. आता चालकांच्या संपामुळे देशभरात वाहतूक कोंडी झाली आहे.

हेही वाचाः नवीन वर्षात स्विगीद्वारे बिर्याणीची रेकॉर्ड ब्रेक विक्री, ऑर्डर देण्यात ‘हे’ शहर राहिले आघाडीवर

महागाई वाढू शकते

पेट्रोल पंप असोसिएशनच्या म्हणण्यानुसार, ३-४ दिवसांच्या संपाचा परिणाम संपूर्ण देशात दिसून येईल. मात्र, दुचाकी वाहनधारक ३-४ दिवसांसाठी पेट्रोलचा साठा करू शकतात. मात्र मोठी वाहने आणि चारचाकी वाहनांची अडचण आहे. कारण संप जास्त दिवस सुरू राहिला तर आमचा साठा संपेल. पंपावर पेट्रोल आणि डिझेल उपलब्ध नसताना त्याचा परिणाम सर्वत्र दिसून येईल. त्याचबरोबर ट्रकचालकांच्या संपामुळे फळभाज्यासह सर्वच खाद्यपदार्थांचा पुरवठा ठप्प होण्याचा धोका वाढणार आहे. त्यामुळे महागाईचा धोका वाढणार आहे.

हेही वाचाः Money Mantra : तुमच्या नावे इतर कोणी कर्ज घेतले आहे का? आता काही मिनिटांतच समजणार

चालकांना काय अडचण आहे?

हिट अँड रन प्रकरणात नवीन कायद्यानुसार एखाद्या व्यक्तीच्या कारला धडक दिल्यास आणि गाडीचा मालक घटनास्थळावरून पळून गेल्यास त्याला मोठ्या दंडाची शिक्षा देण्याची तरतूद आहे. त्याचबरोबर वाहनाला धडक देणारी व्यक्ती अपघाताने वाहनासमोर आली किंवा ती चुकीच्या पद्धतीने रस्ता ओलांडत असेल तर अशा वेळी वाहनचालकांना दिलासा मिळेल. मात्र, अशा प्रकरणांमध्येही ५ वर्षांच्या तुरुंगवासाची तरतूद करण्यात आली आहे. या तरतुदीबाबत वाहनचालकांची अडचण आहे. नवीन कायद्यानुसार आमची चूक नसली तरी ५ वर्षांची शिक्षा भोगावी लागेल, असे त्यांचे म्हणणे आहे.