भारत-जपान सेमीकंडक्टर पुरवठा कराराला मंजुरी

नवी दिल्ली : भारत-जपान अर्धसंवाहक (सेमीकंडक्टर) पुरवठा साखळी भागीदारीसंदर्भातील सहकार्य कराराला केंद्रीय मंत्रिमंडळाने मंजुरी दिली आहे. पंतप्रधान नरेंद्र मोदी यांच्या अध्यक्षतेखालील केंद्रीय मंत्रिमंडळाला इलेक्ट्रॉनिक्स व माहिती तंत्रज्ञान मंत्रालय आणि जपानच्या अर्थव्यवस्था, व्यापार व उद्योग मंत्रालय यांच्यातील सहकार्य कराराची माहिती देण्यात आली. उद्योग आणि डिजिटल तंत्रज्ञानाच्या प्रगतीसाठी सेमीकंडक्टरचे महत्त्व ओळखून सेमीकंडक्टर पुरवठा साखळी वाढवण्यासाठी भारत आणि जपानमधील सहकार्य बळकट करणे हा कराराचा उद्देश आहे. या सहकार्य करारावर दोन्ही देशांच्या स्वाक्षरी झाल्यापासून त्याची अंमलबजावणी सुरू होणार आहे. हा करार पाच वर्षांच्या कालावधीसाठी लागू राहील.

या कराराच्या माध्यमातून अत्याधुनिक लवचीक सेमीकंडक्टर पुरवठा साखळी सुरू करण्यासाठी द्विपक्षीय सहकार्य केले जाणार आहे. या करारामध्ये सुधारित सहकार्याची संकल्पना मांडण्यात आली आहे. यामुळे माहिती तंत्रज्ञान क्षेत्रात रोजगाराच्या संधी निर्माण होणार आहेत.

आणखी वाचा

MPSC मंत्र : कृषी घटकाचे अर्थव्यवस्थेतील महत्त्व

Bigg Boss Marathi 5: सर्व एलिमिनेटेड सदस्यांची घरात…

कल्याणी स्ट्रॅटेजिक सिस्टीम्सचा अमेरिकी संरक्षण कंपन्यांशी करार; अत्याधुनिक तोफा मंच बनविण्यासाठी भागीदारीचे पाऊल

Smart Phone : iPhone की अँड्रॉईड सुरक्षेच्या दृष्टीने कुठला फोन आहे खास?

आता अत्याधुनिक कॅमेऱ्यांद्वारे पिंपरी-चिंचवडवर नजर, ‘एआय’ तंत्रज्ञानाचा वापर; २५७० ‘सीसीटीव्ही’ कॅमेऱ्यांचे जाळे

बड्या उद्योगासाठी ‘एमआयडीसी’कडून भूसंपादन? वाढवण बंदराजवळील १२०० एकर जमिनीची वस्त्रोद्योग केंद्रासाठी निवड

भारत २०३१ पर्यंत जगातील तिसरी मोठी अर्थव्यवस्था

थरमॅक्सच्या ‘सेरेस’शी भागीदारी; पर्यावरणपूरक हायड्रोजनची किफायतशीर निर्मिती देशात शक्य