जर तुम्ही सध्या गुंतवणूक करण्याचा विचार करत असाल आणि अशी योजना शोधत असाल, ज्यामध्ये तुम्हाला चांगले व्याज मिळेल, तर ही बातमी तुमच्यासाठी फायदेशीर ठरू शकते. सर्वात मोठी खासगी बँक ICICI बँकेने एका कार्यक्रमांतर्गत ‘ICICI Bank Golden Years FD’ ही योजना सुरू केली होती, ज्या अंतर्गत ज्येष्ठ नागरिकांसाठी मुदत ठेवींवर मोठ्या प्रमाणात व्याज दिले जात आहे.
ज्येष्ठ नागरिकांसाठी आणलेल्या या मुदत ठेवीचा लाभ घेण्यासाठी ग्राहकांकडे फक्त चार दिवस उरले आहेत. ICICI बँकेने २१ मे २०२० रोजी फक्त ज्येष्ठ नागरिकांसाठी “ICICI Bank Golden Years FD” फिक्स्ड डिपॉझिट प्रोग्राम लाँच केला आणि आता तो बंद करण्यात येणार आहे. जाणून घेऊयात किती फायदा होतोय.
FDमध्ये गुंतवणूक करण्याचे नियम
गोल्डन इयर्स एफडीमध्ये गुंतवणुकीची कालमर्यादा ५ वर्षांच्या एका दिवसावरून १० वर्षांपर्यंत करण्यात आली आहे. तसेच ते 2 कोटींपेक्षा कमी रकमेसाठी उघडलेल्या एकल एफडीसाठी लागू करण्यात आले आहे. ICICI बँक गोल्डन इयर्स एफडी ताज्या एफडीसह एफडीच्या नूतनीकरणावर लागू आहे.
हेही वाचाः नीरज निगम आता RBI चे नवे कार्यकारी संचालक; एकट्यालाच सांभाळावे लागणार ‘हे’ चार महत्त्वाचे विभाग
किती व्याज मिळते?
या कार्यक्रमांतर्गत ज्येष्ठ नागरिक ग्राहकांना मर्यादित कालावधीसाठी ०.५०% वार्षिक दराव्यतिरिक्त ०.१०% FDवर अतिरिक्त व्याजदर मिळतो. याचा अर्थ ग्राहकांना यामध्ये गुंतवणुकीवर ६० बेसिस पॉइंट्सचे अतिरिक्त व्याज मिळते. अशा प्रकारे ६.९० च्या मानक दरापेक्षा ६० बेसिस पॉइंट्स उपलब्ध असून, एकूण ७.५०% व्याज मिळते. व्याजाव्यतिरिक्त या FD वर मुद्दल आणि मिळविलेले व्याज ९०% पर्यंत मिळू शकते. यासोबतच क्रेडिट कार्डाद्वारे एफडीसाठी अर्ज करता येतो.
हेही वाचाः अदाणींनी आधी इस्रायलचे सर्वात मोठे बंदर घेतले विकत, आता भारतातील माजी राजदूतालाच…
