India's Top 10 Billionaire : देशात २९ टक्क्यांनी अब्जाधिशांची संख्या वाढली असून आता ३३४ झाली आहे. हुरून इंडिया रिचलिस्टने २९ ऑगस्ट रोजी अब्जाधिशांची यादी जाहीर केली आहे. या यादीनुसार प्रत्येक पाच दिवसांनी एका अब्जाधीशाची संख्या वाढत आहे. हुरुन या यादीत मुंबई आणि दिल्ली दुसर्या स्थानावर आहे. तर बंगळुरूला मागे टाकून तिसऱ्या स्थानावर हैदराबादने स्थान पटाकवले आहे. या यादीत १७ नव्या अब्जाधीशांची वाढ झाली आहे. Razorpay चे संस्थापक - हर्षिल माथूर आणि शशांक कुमार हे या यादीतील सर्वात तरुण अब्जाधीश आहे. दोघेही ३३ वर्षांचे आहेत. तर त्यांच्या खालोखाल झेप्टोचे २१ वर्षीय कैवल्य वोहरा आणि झेप्टोचे २२ वर्षीय सहसंस्थापक आदित पालिचा दुसऱ्या क्रमांकावर आहेत. या वर्षीच्या यादीत ९० च्या दशकात जन्मलेल्या ११ लोकांचा समावेश आहे. हेही वाचा >> शाहरुख खानचा अतिश्रीमंतांच्या यादीत प्रथमच प्रवेश; ७,३०० कोटींची संपत्ती, ‘ही’ बॉलीवूड अभिनेत्री दुसऱ्या क्रमांकावर यावर्षी, हुरुन रिचलिस्टमध्ये १ हजार कोटी रुपये किंवा त्याहून अधिक मालमत्ता असलेले १५३९ लोक आहे. तर, यामध्ये २७२ जणांची नव्याने नावं जोडण्यात आली आहेत. IPL संघ कोलकाता नाईट रायडर्स आणि चित्रपट निर्मिती कंपनी रेड चिलीज एंटरटेनमेंटमधील त्याच्या भागीदारीमुळे बॉलीवूड अभिनेता शाहरुख खानने वयाच्या ५८ व्या वर्षी ७ हजार ३०० कोटी रुपयांच्या संपत्तीसह प्रथमच श्रीमंतांच्या यादीत स्थान मिळवले. देशातील अतिश्रीमंतांची यादी पाहा (Top 10 Richest Persons in India) क्रमांकनावेकंपनीसंपत्ती (कोटींमध्ये)१गौतम अदाणीअदाणी समूह१,१६१,८००२मुकेश अंबानीरिलायन्स समूह१,०१४,७००३शिव नाडारएचसीएल३१४,०००४सायरस पुनावालासीरम इन्स्टिट्यूट२८९,८००५दिलीप शांघवीसन फार्मास्युटिकल२४९,९००६कुमार बिर्लाआदित्य बिर्ला२३५,२००७गोपिचंद हिंदूजाहिंदूजा१९२,७००८राधाकिशन दमानीअॅव्हॅन्यू सुपरमार्ट्स१९०,९००९अझिम प्रेमजीविप्रो१९०,७००१०नीरज बजाजबजाज१६२,८०० हुरुन इंडियाचे संस्थापक आणि मुख्य संशोधक अनस रहमान जुनैद म्हणाले की, देश आशियातील संपत्ती निर्मितीचं इंजिन म्हणून उदयास येत आहे. चीनच्या अब्जाधीशांच्या संख्येत २५ टक्के घट झाली आहे, तर भारतात २९ टक्क्यांनी वाढ झाली आहे." यादीत अनेक बॉलीवूडकरांचा समावेश शाहरुख खान व्यतिरिक्त अमिताभ बच्चन, जुही चावला, करण जोहर आणि हृतिक रोशन यांचीही नावे या यादीत आहेत. या स्टार्सनीही या यादीत पहिल्यांदाच स्थान मिळवलं आहे. यादीनुसार, अमिताभ बच्चन यांची संपत्ती १६०० कोटी, जुही चावलाची एकूण संपत्ती ४,६०० कोटी, हृतिक रोशनची संपत्ती दोन हजार कोटी आणि करण जोहरची एकूण संपत्ती १४०० कोटी आहे. या यादीत शाहरुख खाननंतर जुही चावलाचे नाव दुसऱ्या क्रमांकावर आहे, त्यानंतर हृतिक रोशन, अमिताभ बच्चन आणि शेवटी करण जोहरचे नाव आहे.