हे सदर सुरू झाल्यापासून त्याला वाचकांचा उदंड प्रतिसाद लाभला आहे. सदर वाचून ज्यांनी आर्थिक नियोजनासाठी संपर्क केला त्यापैकी प्रीती दाते-जोशी यांच्या कुटुंबाची आजच्या नियोजनासाठी निवड केली आहे. जोशी कुटुंबात प्रीती दाते जोशी (३४ वर्षे), विशाल जोशी (३५ वर्षे) आणि त्यांची मुलगी धृती (३० महिने) असे तिघे आहेत. विशाल हे सरकारी बँकेत कार्यरत आहेत. प्रीती या संगणक अभियंता असून एका नवउद्यमीमध्ये (स्टार्टअप) पुण्यात नोकरी करतात. करोना काळात त्यांना नोकरी गमवावी लागली होती. सुमारे १८ महिन्यांच्या बेरोजगारीनंतर त्या १ डिसेंबरला नवीन ठिकाणी कामासाठी रुजू झाल्या. प्रीती यांनी वर्ष २०१८-१९ मध्ये ९ लाखांचे एक शैक्षणिक कर्ज घेतले होते या कर्जापैकी ३ लाखांची परतफेड झाली असून ६ लाखांचे कर्ज अद्याप फेडायचे आहे. करोनापूर्व काळात जोशी कुटुंबीय स्वत:ची सदनिका भाड्याने देऊन दुसऱ्या सदनिकेत भाड्याने राहात होते. करोना काळात नोकरी गेल्यानंतर स्वत:च्या घरी राहायला आले. त्यांची ३ वित्तीय ध्येये निश्चित करण्यात आली.येत्या दोन ते तीन वर्षात स्व-मालकीचे मोठे ‘टू बीएचके’ घर विकत घेणे. मुलीच्या उच्च शिक्षणासाठी तरतूद करणे. सेवा निवृत्तीपश्चातच्या उदार निर्वाहाची तरतूद करणे. सध्या राहत्या घराव्यतिरिक्त जोशी कुटुंबीयांकडे दहा लाखांची रोकड सुलभता आहे. याव्यतिरिक्त काहीही गुंतवणूक नाही.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
