मुंबई: जागतिक भांडवली बाजारातील कमकुवत कल, तसेच माहिती-तंत्रज्ञान, धातू आणि ग्राहकोपयोगी वस्तूंच्या समभागांमध्ये झालेल्या नफावसुलीने प्रमुख निर्देशांक ‘सेन्सेक्स’ सोमवारी सलग दुसऱ्या सत्रात नकारात्मकता दर्शवत, ३५२ अंशांनी घसरणीसह ७३ हजाराच्या पातळीखाली स्थिरावला.
इन्फोसिस, टीसीएस, आयसीआयसीआय बँक आणि रिलायन्स इंडस्ट्रीजसह या निर्देशांकात वजनदार स्थान असलेल्या समभागांवर विक्रीचा मारा झाल्याने प्रमुख निर्देशांकांना सलग दुसऱ्या सत्रात नकारात्मकतेने वेढले. एकंदर अस्थिरतेने ग्रस्त व्यवहारात सोमवारी मुंबई शेअर बाजारात मुख्य निर्देशांक सेन्सेक्स शुक्रवारच्या बंद पातळीच्या तुलनेत आणखी ३५२.६७ अंशांनी (०.४८ टक्के) घसरून ७२,७९०.१३ अंशांवर बंद झाला. या निर्देशांकातील ३० पैकी तब्बल २६ समभाग घसरले. दुसरीकडे राष्ट्रीय शेअर बाजाराचा निफ्टी निर्देशांक ९०.६५ अंशांनी (०.४१ टक्के) घसरून दिवसअखेर २२,१२२.०५ अंशांवर बंद आल. या निर्देशांकात सामील ५० पैकी बहुतांश म्हणजेच ३७ समभाग घसरणीसह बंद झाले.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
