Share Market Highlights: सेन्सेक्स-निफ्टी स्थिर तर, बीएसई मिडकॅप आणि स्मॉलकॅपमध्ये मोठी घसरण

भारतीय शेअर बाजारात आज, बीएसई मिडकॅप निर्देशांक १% ने घसरला, तर स्मॉलकॅप निर्देशांक जवळजवळ २% ने घसरला. दुसरीकडे श्रीराम फायनान्स, बजाज फायनान्स, बजाज फिनसर्व्ह, इंडसइंड बँक आणि हिंडाल्को हे निफ्टीमध्ये सर्वाधिक वाढलेले शेअर्स होते.

भारतीय शेअर बाजारात आज दुपारपर्यंत निफ्टी ५० मध्ये श्रीराम फायनान्स, बजाज फायनान्स, बजाज फिनसर्व्ह, इंडसइंड बँक आणि एचडीएफसी बँकेच्या शेअर्समध्ये सर्वाधिक वाढ झाल्याचे पाहायला मिळाले. तर अल्ट्राटेक सिमेंट, ग्रासिम इंडस्ट्रीज, एम अँड एम, ग्रासिम इंडस्ट्रीज, एम अँड एम, हिरो मोटोकॉर्प आणि ट्रेंट या कंपन्यांच्या शेअर्समध्ये मोठी घसरण झाल्याचे पाहायला मिळत आहे.

अमेरिकेने केलेल्या टॅरिफ घोषणांमुळे गुरुवारी शेअर बाजाराच्या सुरुवातीलाच रुपयासह प्रमुख चलनांवर परिणाम झाल्याचे पाहायला मिळत आहे. अमेरिकेने केलेल्या ताज्या टॅरिफ घोषणांमुळे जागतिक बाजारपेठांना धक्का बसला असून, डॉलर मजबूत झाला आहे. आंतरबँक परकीय चलन बाजारात, रुपया ८७.२६ वर उघडला, नंतर अमेरिकन चलनाच्या तुलनेत ८७.४१ वर घसरला. मंगळवारी, अमेरिकन डॉलरच्या तुलनेत रुपया ४७ पैशांनी घसरून ८७.१९ वर स्थिरावला होता. बुधवारी, महाशिवरात्रीनिमित्त इक्विटी, फॉरेक्स, कमोडिटी बाजार बंद होते.

आरबीआयने जोखीम भार कमी केल्यामुळे बँकिंग आणि एनबीएफसी कंपन्यांच्या शेअर्समध्ये मोठी वाढ झाली आहे. बंधन बँकेचा शेअर सर्वाधिक ७% वाढला असून, आरबीआय बँक देखील ४% वाढून व्यवहार करत आहे. एनबीएफसीमध्ये, एल अँड टी फायनान्स, चोला आणि श्रीराम फायनान्स ४ ते ५% वाढले आहेत.

“आर्थिक वर्ष २०२५ मध्ये, आतापर्यंत, परदेशी संस्थात्मक गुंतवणूकदारांनी (FII) रोख बाजारात ३,८७,९७६ कोटी रुपयांचे शेअर्स विकले आहेत. विशेष म्हणजे, डीआयआयने ५,५५,५१९ कोटी रुपयांची खरेदी करून या विक्रीपेक्षा जास्त भरपाई केली आहे. असे असूनही, बाजार खाली घसरत आहे. यासह विविध घटकांमुळे बाजारावर परिणाम होण्याची शक्यता आहे. जीडीपी वाढ आणि कॉर्पोरेट कमाईतील चक्रीय मंदीमुळे बाजारतील मूलभूत तत्त्वे बिघडत आहेत,” असे जिओजित फायनान्शियल सर्व्हिसेसचे मुख्य गुंतवणूक धोरणकार डॉ. व्ही के विजयकुमार म्हणाले. याबाबत फायनान्शिअल एक्सप्रेसने वृत्त दिले आहे.