‘माझा पोर्टफोलियो’चा पहिला त्रैमासिक आढावा

विद्यमान २०२३ या कॅलेंडर वर्षाला आज तीन महिने पूर्ण झाले. मात्र शेअर बाजारात मंदीचे वातावरण कायम आहे. मुंबई शेअर बाजाराचा सेन्सेक्स या काळात ६१,१६८ अंशावरून घसरून, ३१ मार्च २०२३ रोजी ५८,९९२ अंशावर बंद झाला. म्हणजे मुंबई शेअर बाजार निर्देशांकात २,१७६ अंशांची (३.५५ टक्के) घसरण झाली आहे. आपल्या ‘पोर्टफोलियो’ची कामगिरीदेखील तशी सुमारच म्हणावी लागेल. याच कालावधीत ‘पोर्टफोलियो’ची २३,५०० रुपयांची गुंतवणूक ९६ रुपयांनी घसरून २३,४०४ रुपयांवर आली आहे.

आणखी वाचा

किरकोळ महागाई दराची उसंत, नोव्हेंबरमध्ये ५.४८ टक्क्यांवर घसरण

Chastity Belt: योनी शुचिता पट्ट्याचा इतिहास आणि त्यामागील…

अमेरिकी महागाई दराच्या प्रतीक्षेत निर्देशांकात नगण्य वाढ

जिथं भीती संपते तिथं आयुष्य सुरु होतं! ‘या’ छोट्याश्या माशाचा VIDEO पाहून कळेल एका निर्णयानं संपूर्ण आयुष्य कसं बदलतं

लग्नाच्या हंगामात सोन्याच्या दराने वाढवली चिंता… हे आहे आजचे दर…

नाशिक : आवक वाढल्याने कांद्याची घसरण

विश्लेषण : बुडालेल्या ठेवी परत मिळू शकतात? शासनाचे नवे परिपत्रक काय?

लोकमानस : सत्यकथनासाठी निवृत्तीचा मुहूर्त

दोन महिन्यांपूर्वीच्या हिंडेनबर्ग रिपोर्ट – अदानी एपिसोडनंतर सर्व काही आलबेल आहे हे सांगतानाच, आपली अर्थव्यवस्था इतर देशांच्या मानाने भक्कम आहे, अमेरिकन आणि युरोपीय बँकांच्या तुलनेत भारतीय बँकाची स्थिती मजबूत आहे, बँकांचे ‘एनपीए’ कमी झालेत, महागाई आटोक्यात आहे वगैरे कितीही छातीठोकपणे सांगितले. तरीही गुंतवणूकदारांची मरगळ जाण्याची चिन्हे नाहीत. अजूनही जागतिक बाजारपेठेतील अनिश्चितता कायम असल्याने शेअर बाजारात लगेच तेजी येण्याची शक्यता धूसर वाटते. आता एल् निनो, अमेरिकी फेडरल रिझर्व्हचे व्याजदर वाढीचे चक्र, ढासळणारा रुपया आणि कमी झालेली निर्यात यामुळे चालू खात्यात झालेली घट, वाढती वित्तीय तूट, तरुणांना रोजगार पुरविण्याचे आव्हान, माहिती-तंत्रज्ञान क्षेत्रात आलेली मंदी आणि पुन्हा डोकावू लागलेले करोनाचे सावट या सगळ्यांना तोंड देऊन शेअर बाजार गुंतवणुकीत चैतन्य आणणे कठीण जाणार आहे. याच काळात सोने आणि चांदीचे भाव मात्र चढेच राहिले आहेत. अशा वेळी ‘पोर्टफोलियो’मध्ये अनेक ॲसेट क्लास का असावेत याचे उत्तर मिळते. सध्याच्या परिस्थितीत गुंतवणूकदारांनी धारिष्ट्य दाखवून उत्तम कंपन्यांत टप्प्या-टप्प्यात केलेली गुंतवणूक फायद्याची ठरते हा अनुभव आहे. संयम आणि आवश्यक तेव्हा ‘स्टॉप लॉस’ पद्धत अवलंबणे हिताचे ठरेल.

‘माझा पोर्टफोलियो’ अंतर्गत सुचवलेले शेअर्स हे नेहमीच मध्यम ते दीर्घकालीन गुंतवणुकीसाठी असल्याने त्यांचे लगेचच मूल्यमापन करणे योग्य ठरणार नाही. मात्र वाचक गुंतवणूकदारांनी कायम जागरूकता दाखवून गुंतवणूक केलेल्या कंपन्यांचे आर्थिक निकाल तसेच शेअर बाजारातील घडामोडींवर लक्ष ठेवणे आवश्यक आहे.

Stocksandwealth@gmail.com

• प्रस्तुत लेखामध्ये सुचवलेल्या कंपनीच्या शेअर्समध्ये लेखकाची वा त्याच्या जवळच्या नातेवाईकांची (उपलब्ध माहितीप्रमाणे) कुठलीही गुंतवणूक नाही किंवा असल्यास ती कंपनीच्या भरणा झालेल्या भाग भांडवलाच्या १% पेक्षा कमी आहे. तसेच सुचवलेल्या कंपनीशी लेखकाचा कुठलाही संबंध नसून त्याने कंपनीकडून कुठलेही मानधन अथवा भेट वस्तू घेतलेली नाही. • लेखात सुचवलेल्या कंपनीचे संशोधन हे वाचकांच्या माहितीसाठी असून, शेअरमधील गुंतवणूक वाचकांनी स्वत:च्या जोखमीवर अथवा सल्लागाराच्या सल्ल्याने करावी.