‘माझा पोर्टफोलियो’चा पहिला त्रैमासिक आढावा

विद्यमान २०२३ या कॅलेंडर वर्षाला आज तीन महिने पूर्ण झाले. मात्र शेअर बाजारात मंदीचे वातावरण कायम आहे. मुंबई शेअर बाजाराचा सेन्सेक्स या काळात ६१,१६८ अंशावरून घसरून, ३१ मार्च २०२३ रोजी ५८,९९२ अंशावर बंद झाला. म्हणजे मुंबई शेअर बाजार निर्देशांकात २,१७६ अंशांची (३.५५ टक्के) घसरण झाली आहे. आपल्या ‘पोर्टफोलियो’ची कामगिरीदेखील तशी सुमारच म्हणावी लागेल. याच कालावधीत ‘पोर्टफोलियो’ची २३,५०० रुपयांची गुंतवणूक ९६ रुपयांनी घसरून २३,४०४ रुपयांवर आली आहे.