Stock Market Today : ‘निफ्टी’ची १४ सत्रांतील अविरत तेजीनंतर माघार; ‘सेन्सेक्स’मध्ये दोन शतकी घसरण

दिवसअखेर मुंबई शेअर बाजाराचा निर्देशांक सेन्सेक्स २०२.८० अंशांनी घसरून ८२,३५२.६४ पातळीवर स्थिरावला. अमेरिकी आणि आशियाई बाजारातील पडझडीमुळे सेन्सेक्सने ७२१.५० अंशांच्या घसरणीसह व्यवहाराला सुरुवात केली आणि ८१,८३३.६९ या सत्रातील नीचांकी पातळी त्याने स्पर्श केला होता.

आणखी वाचा

शेअर बाजाराकडे परदेशी गुंतवणूकदारांची पाठ? बाजार कोसळण्याचे तेच एक कारण?

Nana Patole : निकालाआधी राजकीय घडामोडींना वेग; यातच…

मंदीवाल्यांचा जोर कायम; ‘सेन्सेक्स’मध्ये ११० अंशांची घसरण

मंदीच्या सावटाने बाजार गडगडला! अवघ्या दीड महिन्यात सेन्सेक्समध्ये ८,२८७ ने घट

लोकमानस : अर्थव्यवस्थेत वाढ, मग रुपयाची घसरण का?

विश्लेषण: १४ महिन्यांतील उच्चांकी चलनवाढीमागे कारणे कोणती? व्याजदर कपात आणखी लांबणीवर? जीडीपी वाढही मंदावणार?

सेन्सेक्सची १० शतकी गटांगळी, महागाई आणि परकीय निधीच्या निर्गमनाने बाजार बेजार

हेही वाचा >>> Gold Silver Price : ऐन सणासुदीत सोने-चांदीच्या दरात मोठी घसरण, ग्राहकांना दिलासा; पाहा मुंबई, पुण्यासह ‘या’ शहरांतील नवीन दर

दुसरीकडे राष्ट्रीय शेअर बाजाराचा निर्देशांक निफ्टीमध्ये ८१.१५ अंशांची घसरण होऊन, २५,१९८.७० पातळीवर बंद झाला. सलग १४ सत्र आगेकूच कायम राखणारी विक्रमी मालिका यातून खंडित झाली. मंगळवारपर्यंतच्या सलग १४ व्या व्यवहार झालेल्या दिवसांत निफ्टीने १,१४१ अंशांची कमाई केली आहे.

हेही वाचा >>> बचतच अर्थव्यवस्थेत कर्ज-वितरणाचा सर्वोच्च स्रोत राहील; रिझर्व्ह बँक डेप्युटी गव्हर्नरांचा बचतदरात वाढीचा विश्वास

अमेरिकेतील उत्पादनाशी निगडित कमकुवत आकडेवारी आणि अमेरिकी अर्थव्यवस्थेतील संभाव्य मंदीबद्दल चिंता वाढल्याने जगभरातील भांडवली बाजारावर त्याचे नकारात्मक पडसाद उमटले, ज्यामुळे देशांतर्गत निर्देशांकांची तेजीची दौड थांबली. देशांतर्गत घडामोडींच्या अभावामुळे, निर्देशांक जागतिक संकेतांवरून पुढील दिशा निर्धारित करतील, असे जिओजित फायनान्शियल सर्व्हिसेसचे संशोधनप्रमुख विनोद नायर म्हणाले.

सेन्सेक्समधील आघाडीच्या ३० कंपन्यांमध्ये, आयसीआयसीआय बँक, स्टेट बँक, ॲक्सिस बँक, महिंद्र अँड महिंद्र, इन्फोसिस, लार्सन अँड टुब्रो, टाटा स्टील, टाटा कन्सल्टन्सी सर्व्हिसेस, बजाज फायनान्स आणि अदानी पोर्ट्सच्या समभागात घसरण झाली. तर एशियन पेंट्स, हिंदुस्तान युनिलिव्हर, अल्ट्राटेक सिमेंट, सन फार्मा आणि रिलायन्स इंडस्ट्रीजचे समभाग तेजीसह स्थिरावले.

सेन्सेक्स ८२,३५२.६४ २०२.८० +(-०.२५%)

निफ्टी २५,१९८.७० ८१.१५ (-०.३२%)

डॉलर ८४.०२ ४

तेल ७३.६५ -०.१४