भाजपाच्या विजयानंतर शेअर बाजारात तेजी, १५ मिनिटांत बाजारात ४ लाख कोटींची कमाई

१५ मिनिटांत ४ लाख कोटींची कमाई

सोमवारी शेअर बाजार उघडल्यानंतर अवघ्या १५ मिनिटांत बीएसईवर सूचीबद्ध कंपन्यांचे बाजारमूल्य ४ लाख कोटी रुपयांनी वाढून ३४१.७६ लाख कोटी रुपयांवर पोहोचले. म्हणजेच मार्केट ओपनिंगच्या १५ मिनिटांत बीएसईने ४ लाख कोटी रुपयांची कमाई केली आहे. बाजारातील जाणकारांच्या मते ४ राज्यांच्या निवडणूक निकालांमुळे बाजारात सकारात्मक प्रतिसाद दिसून येत आहे.

आणखी वाचा

Marker roundup : शेअर बाजारात सलग तिसऱ्या सत्रात वाढ; दलाल स्ट्रीटला धडाकेबाज Budget 2025-26 ची आस?

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

Marker roundup : ‘सेन्सेक्स’मध्ये सलग दुसऱ्या सत्रात मजबूत ६३१ अंशांची भर; दलाल स्ट्रीटवरील आजच्या तेजीमागील दडलंय काय?

Market roundup : शेअर बाजारात ‘सेन्सेक्स’ची ९०० अंशांची फेरउसळी; बाजारातील तेजीचे तीन मुख्य घटक कोणते?

BSE500 मधील ७० टक्के शेअर्स मंदीच्या टप्प्यात, अर्थसंकल्पापूर्वी गुंतवणूक करणे योग्य ठरणार का?

Marker Roundup: शेअर बाजारात सप्ताहअखेर सेन्सेक्सला ३२५ अंशांची गळती; जाणून घ्या घसरणीची कारणे

Market Roundup : शेअर बाजारात सलग दुसऱ्या सत्रात सेन्सेक्सची आगेकूच; मूडपालटाची कारणे काय?

‘आयटी’तील तेजीने सेन्सेक्सची ५६६ अंशांनी वाढ; शेअर बाजाराचे लक्ष आता अर्थसंकल्पाकडे

हेही वाचाः BYJU’s च्या १००० कर्मचाऱ्यांचे नोव्हेंबरचे पगार रखडले, कंपनीनं दिलं ‘हे’ कारण

या समभागांमध्ये वाढ झाली

शेअर बाजाराच्या सुरुवातीच्या तासांमध्ये NTPC, Larsen & Toubro, Axis Bank, SBI, ICICI, Airtel २ टक्क्यांपर्यंत वाढले. आयटीसीचे समभाग हिरव्या रंगात व्यवहार करीत होते. एम अँड एम, एचडीएफसी बँक, बजाज फायनान्स आणि अॅक्सिस बँकेचे शेअर्सही वाढीसह उघडले. तसेच नेस्ले लाल चिन्हावर उघडले. याशिवाय सोमवारी सुरुवातीच्या व्यवहारात गौतम अदाणी समूहाच्या सर्व नऊ सूचीबद्ध कंपन्यांच्या शेअर्समध्ये वाढ झाली आणि गौतम अदाणी यांच्या अदाणी ग्रीन एनर्जीचे शेअर्स १० टक्क्यांच्या वाढीसह उघडले. सोमवारी अदाणी टोटल गॅस आणि अदाणी पॉवरसह अदाणी एंटरप्रायझेस सहा टक्क्यांच्या वाढीसह व्यवहार करीत होते, तर एनडीटीव्ही, अदाणी पोर्ट्स, अदाणी विल्मार, एसीसी लिमिटेड आणि अंबुजा सिमेंट या सर्व कंपन्यांचे शेअर्स वधारत होते.

हेही वाचाः LPG Price Hike: काल मतदान संपलं, आज गॅस सिलिंडरची भाववाढ! मुंबईसह विविध शहरांमधील नवे दर जाणून घ्या

जिओ फायनान्शिअलमध्येही वाढ झाली

सोमवारी सुरुवातीच्या व्यवहारात पटेल इंजिनीअरिंग, कामधेनू लिमिटेड, महिंद्रा अँड महिंद्रा, देवयानी इंटरनॅशनल, एक्साइड इंडस्ट्रीज, जिओ फायनान्शियल, गती लिमिटेड, टाटा मोटर्स, युनि पार्ट्स इंडियाचे शेअर्स वधारत होते, तर स्टोव्ह क्राफ्ट आणि ओम इन्फ्रा यांचे शेअर्स वधारत होते. सोमवारी प्री-ओपन ट्रेडिंगमध्ये बीएसई सेन्सेक्स ९५० अंकांनी वाढून ६८४३५ च्या पातळीवर कार्यरत होता, तर निफ्टीने २०६०० ची पातळी ओलांडली होती. अमेरिकेतील केंद्रीय बँक फेडरल रिझर्व्हने व्याजदर कपातीची शक्यता फेटाळून लावली असली तरी निफ्टी बंपर वाढ नोंदवत असल्याचे शेअर बाजारातील तज्ज्ञांचे म्हणणे आहे.

राज्य निवडणूक निकालांचा सकारात्मक परिणाम

भारतातील तीन प्रमुख उत्तरेकडील राज्यांमध्ये भारतीय जनता पक्षाला स्पष्ट जनादेश मिळाल्यानंतर दलाल स्ट्रीटने वेग पकडला आणि विक्रमी उच्चांक गाठला आहे. ” देशातील राज्य निवडणुकांचे निकाल ही एक मोठी घटना ठरली आहे, ज्यामुळे नवा आशावाद निर्माण होऊ शकतो आणि बाजारात आणखी तेजी येऊ शकते. बाजाराला राजकीय स्थिरता आणि सुधारणा केंद्रित, बाजाराला अनुकूल सरकार आवडते. बाजाराच्या दृष्टिकोनातून परिणाम अपेक्षेपेक्षा जास्त चांगले होते,” असंही जिओजित फायनान्शिअल सर्व्हिसेसचे मुख्य गुंतवणूकदार व्ही. के. विजयकुमार म्हणालेत.