शेअर बाजाराने रचला इतिहास, BSE मध्ये सूचीबद्ध कंपन्यांचे बाजारमूल्य प्रथमच ३०० लाख कोटींच्या पुढे

दिवसअखेर मुंबई शेअर बाजाराचा निर्देशांक सेन्सेक्स ३३.०१ अंशांनी घसरून ६५,४४६.०४ पातळीवर बंद झाला. दिवसभरात त्याने २२२.५६ अंश गमावत ६५,२५६.४९ या सत्रातील नीचांकी पातळीला स्पर्श केला. दुसरीकडे राष्ट्रीय शेअर बाजाराचा निर्देशांक निफ्टीमध्ये ९.५० अंशांची वाढ झाली आणि तो १९,३९८.५० या विक्रमी उच्चांकी पातळीवर स्थिरावला. दिवसभरात निफ्टीने १९,४२१.६० ही सत्रातील उच्चांकी तर १९,३३९.६० अंशांचा नीचांक गाठला.

आणखी वाचा

सरकारी बँकांना सहामाहीत ८६ हजार कोटींचा निव्वळ नफा

Madhuri Dixit : डर चित्रपट माधुरी दीक्षितने का…

किरकोळ महागाई दराची उसंत, नोव्हेंबरमध्ये ५.४८ टक्क्यांवर घसरण

अमेरिकी महागाई दराच्या प्रतीक्षेत निर्देशांकात नगण्य वाढ

इक्विटी फंडांतील ओघ ओसरला! नोव्हेंबरमध्ये १४ टक्क्यांनी घटून ३५,९४३ कोटींवर

परळीतून भाजप नेत्याच्या मुलाचे अपहरण; दोन कोटींच्या खंडणीची मागणी

कुर्ल्यातील बस स्थानक बंद केल्याने प्रवाशांना पायपीट

मानखुर्दमधील भुयारी मार्ग डागडुजीच्या प्रतीक्षेत

हेही वाचाः सेवा क्षेत्राच्या वाढीचा वेग मंदावला; जून महिन्यात पीएमआय निर्देशांक ५८.५ गुणांवर घसरला

जागतिक प्रतिकूलतेसह चिंतेसह सेवा क्षेत्राने तीन महिन्यांतील नीचांकी पातळी गाठल्याने देशांतर्गत भांडवली बाजारात तेजीची घोडदौड थांबली. दुसरीकडे अमेरिका आणि चीनमधील व्यापारयुद्ध तीव्र झाल्याने पुन्हा एकदा जागतिक पातळीवर अनिश्चिता निर्माण होण्याच्या भीतीने गुंतवणूकदारांनी सावध पवित्रा अवलंबिला होता. दिवसातील बहुतांश काळ बाजार नकारात्मक पातळीवर राहिला. मात्र अखेरच्या काही तासात बँकिंग आणि वित्त कंपन्यांच्या समभागातील खरेदीने घसरण काहीशी कमी झाली.

हेही वाचाः भारताचे व्यापारासाठी ‘या’ १२ देशांना प्राधान्य; केंद्रीय वाणिज्य व उद्योग मंत्रालयाकडून सविस्तर आराखडाच तयार

सेन्सेक्समध्ये, एचडीएफसी बँकेच्या समभागात सर्वाधिक घसरण झाली. त्यापाठोपाठ बजाज फिनसर्व्ह, विप्रो, टाटा मोटर्स, अॅक्सिस बँक, एनटीपीसी, बजाज फायनान्स आणि अल्ट्राटेक सिमेंटचे समभाग नकारात्मक पातळीवर स्थिरावले. तर मारुती, टेक महिंद्र, इंडसइंड बँक, हिंदुस्तान युनिलिव्हर, आयटीसी, आयसीआयसीआय बँक, पॉवर ग्रिड आणि नेस्ले यांचे समभाग तेजीसह स्थिरावले.

सेन्सेक्स ६५,४४६.०४ – ३३.०१ (-०.०५)
निफ्टी १९,३९८.५० + ९.५० (+०.०५)
डॉलर ८२.२३ +२२
तेल ७५.९२ -०.४३